മക്ക: മുഹമ്മദ് നബി (സ) യും പ്രവാചക അനുചരൻമാരും ലോകത്തിന് തന്നെ മാതൃകയാണെന്നും ലോക മുസ്‌ലിംകളെയും പ്രവാചക സ്നേഹികളുടെയും മനസാക്ഷിയെ നടുക്കുന്ന പ്രസ്താവനളാണ് വർഗ്ഗീയ ഫാസിസ്റ്റ് ചിന്താഗതിക്കാരിൽ നിന്നുണ്ടാവുന്നതെന്നും എസ് കെ എസ് എസ് എഫ് സംസ്ഥാന പ്രസിഡണ്ട് പാണക്കാട് സയ്യിദ് ഹമീദലി തങ്ങൾ പറഞ്ഞു. സഊദി സന്ദർശനത്തിനിടെ മക്കയിൽ എത്തിയ തങ്ങൾ സമസ്ത ഇസ്‌ലാമിക് സെന്റർ മക്ക സെൻട്രൽ കമ്മറ്റി നൽകിയ സ്വീകരണ പരിപാടി ഉദ്ഘാടന ചെയ്തു സംസാരിക്കുകയായിരുന്നു.

സമകാലിക ഇന്ത്യയിൽ മുസ്‌ലിം സമൂഹം നേരിടുന്ന പ്രയാസങ്ങൾ കൂടുതലാണെന്നും പ്രവാചക നിന്ദക്കെതിരെ ശക്തമായ നടപടികൾ സ്വീകരിക്കണമെന്നും പരസ്പര വിശ്വാസത്തോടെയും സ്നേഹത്തിലും കഴിഞ്ഞിരുന്ന ജനങ്ങളുടെ ഇടയിലേക്ക് ഇങ്ങിനെയുള്ള പ്രസ്താവന നടത്തിയവരെ മാതൃക പരമായി ശിക്ഷിക്കാൻ ഭാരണകർത്താകൾ തയ്യാറാകണമെന്ന് ആവശ്യപ്പെട്ട യോഗം പ്രവാചക നിന്ദക്കെതിരെ ശക്തമായ പ്രധിഷേധവും യോഗം രേഖപെടുത്തി.

എസ് ഐ.സി സഊദി നാഷണൽ കമ്മിറ്റി ട്രഷറർ ഇബ്രാഹിം ഓമശ്ശേരി, നാഷ്ണൽ സെക്രട്ടറി മുനീർ ഫൈസി മാമ്പുഴ, സഊദി നാഷണൽ വിഖായ ചെയർമാൻ ഫരീദ് ഐക്കരപ്പടി, കുഞ്ഞാലൻ കുട്ടി ഫൈസി, കുഞ്ഞിമോൻ കാക്കിയ, അബു യാസിൻ ദമാം, മക്ക പ്രവിൻസ് സെക്രട്ടറി മുജീബ് നീറാട്, മുഹമ്മദ് ജാസിം കാടാമ്പുഴ, മക്ക സെൻട്രൽ കമ്മറ്റി ചെയർമാൻ മാനു തങ്ങൾ അരീക്കോട്, വർക്കിംഗ് സെക്രട്ടറി മുസ്തഫ മലയിൽ, ഓൾഗനൈസിംഗ് സെക്രട്ടറി സിറാജ് പേരാമ്പ്ര, ബഷീർ മുതുപറമ്പ്, ഫാറൂഖ്
മലയമ്മ, മുസ്തഫ മുഞ്ഞകുളം തുടങ്ങിയവർ സംബന്ധിച്ചു. എസ് ഐസി മക്ക പ്രസിഡന്റ് ഉസ്മാൻ ദാരിമി കരുളായി അദ്ധ്യക്ഷനായ പരിപാടിയിൽ ജനറൽ സെക്രട്ടറി സെക്കീർ സ്വാഗതവും ലിയാക്കത് അലി നെല്ലികുത്ത് നന്ദിയും പറഞ്ഞു