വന്ദേ ഭാരത് എക്‌സ്പ്രസിന് നേരെ കണ്ണൂരില്‍ നിന്നും കല്ലേറ്

കണ്ണൂര്‍: കണ്ണൂര്‍ വളപട്ടണത്ത് വെച്ച് വന്ദേ ഭാരത് എക്‌സ്പ്രസിന് നേരെ വീണ്ടും കല്ലേറ്. തീവണ്ടിയുടെ ജനല്‍ ചില്ലിന് പൊട്ടലുണ്ട്. 3.27നായിരുന്നു സംഭവം. സ്ഥലത്ത് ആര്‍.പി.എഫും പൊലീസും പരിശോധന നടത്തുകയാണ്. മലപ്പുറം തിരൂരിലും വന്ദേഭാരത് ട്രെയിനിന് നേരെ കല്ലേറുണ്ടായത് വലിയ വാര്‍ത്തയായിരുന്നു. കാസര്‍കോട് തിരുവനന്തപുരം സര്‍വീസിനിടെ തിരൂര്‍ സ്റ്റേഷന്‍ വിട്ടതിന് ശേഷമാണ് ആക്രമണമുണ്ടായത്. മെയ് ഒന്നാം തിയതിയായിരുന്നു സംഭവം.