കൊച്ചി: പഴയ നേതാക്കള്‍ മുതല്‍ പുതിയ പ്രവര്‍ത്തകര്‍ വരെ ഒരുമിച്ച് നിന്നാലേ പാര്‍ട്ടിയെ കൂടുതല്‍ ശക്തമാക്കാന്‍ കഴിയൂവെന്ന് നിയുക്ത കെ.പി.സി.സി പ്രസിഡന്റ് കെ.സുധാകരന്‍ പറഞ്ഞു.

പ്രതിപക്ഷ നേതാവ് വി.ഡി സതീശനൊപ്പം മുതിര്‍ന്ന കോണ്‍ഗ്രസ് നേതാക്കളായ പി.പി തങ്കച്ചനെയും ടി.എച്ച് മുസ്തഫയെയും വസതിയില്‍ സന്ദര്‍ശനം നടത്തിയശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം. ഇന്നലെ വൈകിട്ട് ആലുവ പാലസില്‍ നിന്നും 6.45 ഓടെ ടി.എച്ച് മുസ്തഫയുടെ ചാലക്കലുള്ള വസതിയിലാണ് ഇരുവരും ആദ്യം എത്തിയത്. 7.15 ഓടെ പി.പി തങ്കച്ചന്റെ പെരുമ്പാവൂരിലുള്ള വസതിയിലെത്തി. എട്ട് മണിയോടെ മുതിര്‍ന്ന നേതാവ് വയലാര്‍ രവിയുടെ വാഴക്കാലയിലെ വസതിയിലെത്തി.