കരുവാരകുണ്ട്: കവയിത്രിയും അധ്യാപികയുമായ സുഹ്‌റ പടിപ്പുര നിര്യാതയായി. കോവിഡ് സംബന്ധമായ അസുഖത്തെ തുടര്‍ന്ന് കോഴിക്കോട്ടെ സ്വകാര്യആശുപത്രിയില്‍ ചികിത്സയിലായിരുന്നു.
മലപ്പുറം ഇരിങ്ങാട്ടിരി സ്വദേശിയായ അവര്‍ അടയ്ക്കാകുണ്ട് ക്രസന്റ് ഹയര്‍സെക്കന്‍ഡറി സ്‌കൂളില്‍ സോഷ്യല്‍ സയന്‍സ് അധ്യാപികയായിരുന്നു.

കവയിത്രി എന്ന നിലയില്‍ ശ്രദ്ധേയയായിരുന്നു സുഹ്‌റ പടിപ്പുര. വിദ്യാരംഗം കലാസാഹിത്യവേദിയുടെ സംസ്ഥാന കവിതാപുരസ്‌കാരമടക്കം നിരവധി പുരസ്‌കാരങ്ങളും അവര്‍ക്ക് ലഭിച്ചിട്ടുണ്ട്.
ഇനി കനല്‍പക്ഷികള്‍ പാടട്ടെ, ഇന്ത്യ എന്റെ രാജ്യമാണ് എന്നീ കവിതാ സമാഹാരങ്ങള്‍ പ്രസിദ്ധീകരിച്ചിട്ടുണ്ട്. അടക്കാക്കുണ്ട് ക്രസന്റ് ഹയര്‍ സെക്കന്‍ഡറി സ്‌കൂളിലെ അധ്യാപകന്‍ ഷുക്കൂര്‍ മാസ്റ്ററുടെ ഭാര്യയാണ്.

മകള്‍ ഹിബ ഫെബിന്‍.