കാലിക്കടവ്: ദേശീയ പാതയില്‍ കണ്ണൂര്‍- കാസര്‍കോട് ജില്ലാതിര്‍ത്തിയായ ആണൂരില്‍ ലോറി കുഴിയിലേക്ക് മറിഞ്ഞു.  ഡ്രൈവറും ക്ലീനറും അത്ഭുതകരമായി രക്ഷപ്പെട്ടു.
തിങ്കളാഴ്ച രാവിലെ ഏഴുമണിയോടെയാണ് അപകടം .മംഗളൂരുവില്‍ നിന്നും ഓടുമായി പയ്യന്നൂരിലേക്ക് പോവുകയായിരുന്നു ലോറി.
 ലോറിയിലുണ്ടായിരുന്ന ഓടുകളില്‍ പകുതിയിലധികം നശിച്ചു.
 ദേശീയ പാതയില്‍  വീതി കുറഞ്ഞ പ്രദേശമാണ് ഇവിടം. മറ്റൊരു വാഹനത്തിന് കടന്നു പോകാന്‍ അരികൊതുക്കിയപ്പോള്‍ നിയന്ത്രണം വിട്ടു വയലിലേക്ക് മറിയുകയായിരുന്നു. സ്ഥിരം അപകട മേഖലയാണ് ഈ പ്രദേശം.