കല്‍പ്പറ്റ: നിയന്ത്രണം വിട്ട കാര്‍ മരത്തിലിടിച്ച് മൂന്ന് വിദ്യാര്‍ഥികള്‍ മരിച്ചു. വയനാട് മുട്ടില്‍ വാര്യാടാണ് വിനോദയാത്രക്കായി വയനാട്ടിലെത്തിയവരാണ് മരിച്ചവര്‍. അനന്ദു, യാദവ്, മിഥുന്‍ എന്നിവരാണ് മരിച്ചത്. ഇന്നു രാവിലെ ആറുമണിയോടെയാണ് അപകടം.
മരിച്ചവരില്‍ രണ്ടുപേര്‍ പാലക്കാട് സ്വദേശികളാണ്. അമിതവേഗതയാണോ ഡ്രൈവര്‍ ഉറങ്ങിപോയതാണോ മരണകാരണമെന്ന് വ്യക്തമായിട്ടില്ല. നാട്ടുകാരും ഫയര്‍ഫോഴ്‌സും ചേര്‍ന്നാണ് അപകടത്തില്‍പെട്ടവരെ പുറത്തെടുത്ത് ആശുപത്രിയിലെത്തിച്ചത്. മീനങ്ങാടി പൊലിസ് സ്ഥലത്തെത്തി.
രണ്ടു പേരുടെ മൃതദേഹങ്ങള്‍ ലിയോ ആശുപത്രിയിലും ഒരാളുടെ മൃതദേഹം കൈനാട്ടി ആശുപത്രിയിലും സൂക്ഷിച്ചിരിക്കുകയാണ്.