മലപ്പുറം: മലപ്പുറം ആലത്തിയൂരില്‍ ചത്ത പോത്തുകളുടെ ഇറച്ചി വില്‍ക്കാനുള്ള ശ്രമം നാട്ടുകാര്‍ തടഞ്ഞു. മൂന്നുപേരെ പൊലിസ് കസ്റ്റഡിയിലെടുത്തു. ബലിപെരുന്നാള്‍ വിപണി ലക്ഷ്യമാക്കി എത്തിച്ച പോത്തുകളില്‍ മൂന്നെണ്ണമാണ് ചത്തത്. ഇവയെ അറുത്ത് ഇറച്ചിയാക്കാനുള്ള ശ്രമമാണ് തടഞ്ഞത്.
സ്വകാര്യവ്യക്തിയുടെ ഫാമിലേക്ക് കണ്ടെയ്നര്‍ ലോറിയില്‍ എത്തിച്ച പോത്തുകളെ വണ്ടിയില്‍വെച്ചുതന്നെ അറുത്ത് തോല്‍ പൊളിക്കുന്നതിനിടെ നാട്ടുകാര്‍ സംഘടിക്കുകയായിരുന്നു. പിന്നാലെ പൊലിസും പഞ്ചായത്ത് അധികൃതരും ആരോഗ്യ വകുപ്പ് ഉദ്യോഗസ്ഥരും സ്ഥലത്തെത്തി. ചത്ത പോത്തുകളെ നശിപ്പിക്കാന്‍ അധികൃതര്‍ നിര്‍ദേശം നല്‍കി.