മന്ത്രി ശിവന്‍കുട്ടിയുടെ പൈലറ്റ് വാഹനമിടിച്ച് ആംബുലന്‍സ് മറിഞ്ഞു; മൂന്ന് പേര്‍ക്ക് പരുക്ക്

കൊട്ടാരക്കര: മന്ത്രി വി ശിവന്‍കുട്ടിയുടെ പൈലറ്റ് വാഹനം ഇടിച്ച് ആംബുലന്‍സ് മറിഞ്ഞു. ആംബുലന്‍സിലുണ്ടായിരുന്ന രോഗിയടക്കം മൂന്നുപേര്‍ക്ക് പരുക്കേറ്റു. കൊട്ടാരക്കര പുലമണ്‍ ജങ്ഷനിലാണ് അപകടമുണ്ടായത്.

ആംബുലന്‍സ് ഡ്രൈവര്‍, രോഗി, രോഗിയോടൊപ്പമുണ്ടായിരുന്നവര്‍ എന്നിവര്‍ക്കാണ് പരുക്കേറ്റത്. ഇവരെ താലൂക്ക് ആശുപത്രിയില്‍ പ്രവേശിപ്പിച്ചു.

പെരുമ്പാവൂരില്‍നിന്ന് തിരുവനന്തപുരത്തേക്ക് പോകുകയായിരുന്നു മന്ത്രി. കൊട്ടാരക്കര താലൂക്ക് ആശുപത്രിയില്‍നിന്ന് സ്വകാര്യ ആശുപത്രിയിലേക്ക് റഫര്‍ചെയ്ത രോഗിയുമായി പോവുകയായിരുന്നു ആംബുലന്‍സ്.