മേപ്പയ്യൂര്‍: പഞ്ചായത്തിലെ 17-ാം വാര്‍ഡ് ചെമ്പകമുക്ക് ഗ്രാമം പ്ലാസ്റ്റിക് വിമുക്ത ഗ്രാമമാവുന്നു. പ്രദേശത്തെ സാന്ത്വനം ചാരിറ്റബിള്‍ ട്രസ്റ്റാണു പദ്ധതിക്കു നേതൃത്വം നല്‍കുന്നത്. പദ്ധതി പ്രകാരം ഗ്രാമത്തിലെ വീടുകളിലും കടകളിലും തുണിസഞ്ചി നല്‍കും.
പഞ്ചായത്തംഗം സെറീന ഒളോറ ഉദ്ഘാടനം ചെയ്തു. കെ.കെ വിനോദ് അധ്യക്ഷനായി. എടുക്കാത്ത് അമ്മത് ഹാജി, വാഴയില്‍ വേലായുധന്‍, കാരേക്കണ്ടി പോക്കര്‍ ഹാജി, ടി.കെ ബിജു, പി.ടി റസിയ, ഇടവത്ത് അശ്വിന്‍ പ്രസംഗിച്ചു.