കൊളംബോ: ശ്രീലങ്കയുടെ പുതിയ പ്രധാനമന്ത്രിയായി ദിനേശ് ഗുണവര്‍ധന സത്യപ്രതിജ്ഞ ചെയ്തു. എസ്.എല്‍.പി.പി നേതാവാണ് ദിനേശ് ഗുണവര്‍ധന.

ദിനേശ് ഗുണവര്‍ധന നേരത്തെ വിദേശകാര്യ മന്ത്രിയായും വിദ്യാഭ്യാസ മന്ത്രിയായും സേവനമനുഷ്ഠിച്ചിട്ടുണ്ട്. ഏപ്രിലില്‍ അന്നത്തെ പ്രസിഡന്റ് ഗോതബായ രാജപക്‌സെ, ഗുണവര്‍ധനയെ ആഭ്യന്തര മന്ത്രിയായി നിയമിച്ചിരുന്നു. റനില്‍ വിക്രമസിംഗെയാണ് പുതിയ പ്രസിഡന്റ്.

റെനില്‍ വിക്രമസിംഗെ പ്രസിഡന്റായി അധികാരമേറ്റതിന് പിന്നാലെ സര്‍ക്കാര്‍ വിരുദ്ധ പ്രക്ഷോഭകരുടെ പ്രധാന ക്യാമ്പില്‍ റെയ്ഡ് നടത്തി. നൂറുകണക്കിന് സൈനികരും പൊലിസുകാരും എത്തിയാണ് റെയ്ഡ് നടത്തിയത്. പ്രക്ഷോഭകരുടെ ടെന്റുകള്‍ സൈന്യം പൊളിച്ചുനീക്കി. ടെന്റുകള്‍ തകര്‍ത്ത സൈന്യം നിരവധി പ്രതിഷേധക്കാരെ കസ്റ്റഡിയിലെടുത്തതായും റിപ്പോര്‍ട്ടുണ്ട്.