തിരുവനന്തപുരം: ആഢംബര ബസില്‍ കടത്താന്‍ ശ്രമിച്ച 75 ലക്ഷം രൂപയൂടെ കള്ളപ്പണം എക്‌സൈസ് പിടികൂടി. തമിഴനാട് മധുരൈ സ്വദേശി ഫൈസല്‍ അമീര്‍ (39) പിടിയില്‍. അമരവിള ചെക്‌പോസ്റ്റിലാണ് 75 ലക്ഷം രൂപയുടെ കള്ളപ്പണം പിടികൂടിയത്. വാഹന പരിശോധനക്കിടെയാണ് കള്ളപ്പണവുമായി ഇയാള്‍ എക്‌സൈസ് ഉദ്യോഗസ്ഥരുടെ പിടിയിലായത്.പിടിച്ചെടുത്ത പണം പൊലീസിന് കൈമാറും.

ആഢംബര ബസുകളില്‍ സ്ഥിരമായി പണം കടത്തുന്ന സംഘത്തില്‍പ്പെട്ടയാളാണ് ഫൈസല്‍ അമീര്‍ എന്നാണ് സൂചന. കഴിഞ്ഞ ആഴ്ച ബെംഗളൂരുവില്‍ നിന്ന് തിരുവനന്തപുരത്തേക്ക് വന്ന ബസില്‍ നിന്ന് 45 ലക്ഷത്തിന്റെ കള്ളപ്പണം പിടികൂടിയിരുന്നു.