ന്യൂഡല്‍ഹി: കോണ്‍ഗ്രസ് അധ്യക്ഷ സ്ഥാനത്തേക്കുള്ള തിരഞ്ഞെടുപ്പ് ഒക്ടോബര്‍ 17ന് നടക്കും. 19നാണ് വോട്ടെണ്ണല്‍. ഒക്ടോബര്‍ എട്ടിനാണ് സ്ഥാനാര്‍ഥി പട്ടിക പ്രഖ്യാപിക്കുക.

ഒക്ടോബര്‍ 16 വരെ പ്രചാരണത്തിന് സമയമുണ്ട്. ഒക്ടോബര്‍ 19നാണ് വോട്ടെണ്ണല്‍. ഡല്‍ഹിയില്‍ ചേര്‍ന്ന എഐസിസി പ്രവര്‍ത്തകസമിതി യോഗത്തിലാണ് തീരുമാനം. ഒരു സ്ഥാനാര്‍ഥി മാത്രമാണെങ്കില്‍ വോട്ടെടുപ്പില്ലാതെ ഒക്ടോബര്‍ എട്ടിന് തന്നെ പുതിയ പ്രസിഡന്റിനെ പ്രഖ്യാപിക്കും.

ആഗസ്റ്റ് 21 മുതല്‍ സെപ്റ്റംബര്‍ 21 വരെയായിരുന്നു തെരഞ്ഞെടുപ്പ് കാലയളവ് പ്രഖ്യാപിച്ചിരുന്നത്. സോണിയാ ഗാന്ധി, രാഹുല്‍ ഗാന്ധി എന്നിവരെ ഇ.ഡി ചോദ്യം ചെയ്തത് അടക്കമുള്ള സാഹചര്യത്തെ തുടര്‍ന്നാണ് തെരഞ്ഞെടുപ്പ് നടപടികള്‍ നീണ്ടത്.