ജയ്പൂര്‍: രാജസ്ഥാനിലെ ഭാരത്പൂരില്‍ ബി.ജെ.പി നേതാവ് വെടിയേറ്റ് മരിച്ചു. കൃപാല്‍ സിങ് എന്നയാളാണ് മരിച്ചത്. ഞായറാഴ്ച രാത്രി കാറില്‍ വീട്ടിലേക്ക് പോകുന്നതിനിടെയായിരുന്നു സംഭവം.
രണ്ട് ബൈക്കുകളിലും കാറുകളിലുമായി വന്ന അക്രമിസംഘം കൃപാലിനു നേരെ വെടിയുതിര്‍ക്കുകയായിരുന്നു.

അക്രമികളെ ഇതുവരെ തിരിച്ചറിഞ്ഞിട്ടില്ല. സംഭവത്തില്‍ ഇതുവരെ ആരെയും അറസ്റ്റ് ചെയ്തിട്ടില്ലെന്നും മഥുര ഗേറ്റ് പൊലിസ് സ്റ്റേഷന്‍ എസ്.എച്ച്.ഒ രാംനാഥ് സിങ് പറഞ്ഞു. വെടിയേറ്റ സിങ്ങിനെ ആര്‍.ബി.എം ആശുപത്രിയില എത്തിച്ചെങ്കിലും മരണം സ്ഥിരീകരിക്കുകയായിരുന്നു. ഏഴുതവണ വെടിയേറ്റതിന്റെ മുറിപ്പാടുകള്‍ കൃപാലിന്റെ ദേഹത്തുണ്ട്.

ഭരത്പൂരില്‍ നിന്നുള്ള ബി.ജെ.പി എം.പി രഞ്ജീത കോലിയുടെ അടുത്ത സഹായിയാണ് കൃപാല്‍ സിങ്.