ദുബൈ: യു.എ.ഇയിലെ റാസല്‍ഖൈമയില്‍ മോഷ്ടാക്കള്‍ അറസ്റ്റില്‍. വ്യാപാര സ്ഥാപനങ്ങളില്‍ മോഷണം നടത്തിയ രണ്ടുപേരാണ് അറസ്റ്റിലായത്. ആഫ്രിക്കന്‍ വംശജരാണ് അറസ്റ്റിലായവര്‍. രാത്രികാലങ്ങളിലാണ് ഇവര്‍ മോഷണം നടത്തിയിരുന്നത്. കടയുടെ വാതിലുകളും മറ്റും തകര്‍ത്ത് അകത്ത് കയറിയാണ് കവര്‍ച്ച. ഓപ്പറേഷന്‍ റൂമിന് ലഭിച്ച വിവരത്തിന്റെ അടിസ്ഥാനത്തില്‍ നടത്തിയ അന്വേഷണത്തിലാണ് പ്രതികളെ റെക്കോഡ് സമയത്തിനുള്ളില്‍ പിടികൂടിയത്.മോഷണത്തിന് ഉപയോഗിച്ച ആയുധങ്ങളും കണ്ടെടുത്തു. പിടിയിലായവരെ പബ്ലിക് പ്രോസിക്യൂഷന് കൈമാറി.