പാലക്കാട്: മണ്ണാര്‍ക്കാട് സഹോദരിമാരായ മൂന്നുപേര്‍ മുങ്ങി മരിച്ചു. റിന്‍ഷി(18), നിഷിത (26), റെമീഷ (23) എന്നിവരാണ് മരിച്ചത്. കോട്ടോപ്പാടം പെരുങ്കുളത്ത് കുളിക്കാനിറങ്ങിയതായിരുന്നു ഇവര്‍.ബുധനാഴ്ച ഉച്ചയ്ക്ക് 1.30 ഓടെയാണ് അപകടമുണ്ടായത്.

ഒരാള്‍ വെള്ളത്തില്‍ മുങ്ങിയപ്പോള്‍ മറ്റു രണ്ടുപേരും രക്ഷിക്കാന്‍ ശ്രമിച്ചതാണെന്ന് സൂചന. ബഹളം കേട്ട് ഓടിയെത്തിയ നാട്ടുകാരാണ് ഇവരെ കരക്കെത്തിച്ചത്. ഉടന്‍ സമീപത്തെ സ്വകാര്യ ആശുപത്രയില്‍ എത്തിച്ചെങ്കിലും രക്ഷിക്കാനായില്ല. പിതാവിന്റെ മുന്നില്‍ വെച്ചാണ് അപകടമുണ്ടായത്.