കണ്ണൂര്‍: ധാര്‍മിക മൂല്യങ്ങള്‍ നഷ്ടപ്പെട്ടുപോകുന്ന വര്‍ത്തമാന കാലത്ത് മതവിദ്യാഭ്യാസത്തിന്റെ പ്രസക്തി വര്‍ധിച്ചുവരുന്നുവെന്നും മതവിദ്യാഭ്യാസത്തെ പ്രോത്സാഹിപ്പിക്കേണ്ടതാണെന്നും സമസ്ത ജില്ലാ പ്രസിഡന്റ് പി.കെ.പി അബ്ദുസലാം മുസ്‌ലിയാര്‍.
വാരം മനാറുല്‍ഹുദാ മദ്‌റസയില്‍ സമസ്ത പൊതുപരീക്ഷയില്‍ സംസ്ഥാന റാങ്ക് നേടിയ വിദ്യാര്‍ഥികള്‍ക്കുള്ള അവാര്‍ഡ് ദാന ചടങ്ങ് ഉദ്ഘാടനം ചെയ്യുകയായിരുന്നു അദ്ദേഹം.
ടി.പി ഫാത്തിമത്തു സുഹറ, വി.പി അമീറ എന്നിവരെ സ്വര്‍ണമെഡല്‍ നല്‍കി അനുമോദിച്ചു. പി മുഹമ്മദ്, അഹ്മദ് തേര്‍ളായി, ഹുസൈന്‍ ബാഖവി, അബ്ദുല്ല ദാരിമി, ഉനൈസ് അസ്അദി, ഖാലിദ് മൗലവി സംസാരിച്ചു.