തിരുവനന്തപുരം: കൊവിഡ് മരണ കണക്ക് പുറത്തുവിടുന്നതില്‍ വീണ്ടും സര്‍ക്കാരിനെതിരേ ആരോപണവുമായി പ്രതിപക്ഷം. വിവരവകാശ നിയമപ്രകാരം നല്‍കിയ മറുപടിയില്‍ കൊവിഡ് മരണങ്ങള്‍ 23,486. എന്നാല്‍ ആരോഗ്യ വകുപ്പ് ഇന്നലെ നല്‍കിയ പത്ര കുറിപ്പ് പ്രകാരം മരണം 16170 മാത്രം. ഇന്‍ഫര്‍മേഷന്‍ കേരള മറുപടി നല്‍കിയത് ഈ മാസം 23 ന്. ആരോഗ്യ വകുപ്പിന്റെ ഇന്നലെ വരെയുള്ള കണക്ക് എടുത്താലും 7316 മരണങ്ങളുടെ വ്യത്യാസമാണുള്ളത്.

പ്രതിപക്ഷ നേതാവാണ് കണക്ക് സഭയില്‍ അവതരിപ്പിച്ച്ത്. 2020 ജനുവരി മുതല്‍ 2021 ജൂലൈ 13 വരെയുള്ള കണക്കുകളാണ് പുറത്തുവിട്ടത്. കേരള സര്‍ക്കാരിന്റെ കൊവിഡ് മരണക്കണക്കില്‍ പൊരുത്തക്കേടുണ്ടെന്ന പ്രതിപക്ഷത്തിന്റെ ആരോപണം ശരിവെക്കുന്നതാണ് വിവരാവകാശ രേഖയെന്ന് പ്രതിപക്ഷ നേതാവ് പറഞ്ഞു.