കൊച്ചി: കേരളത്തിന്റെ ഇപ്പോഴത്തെ അവസ്ഥയില്‍ ആശങ്കയുണ്ടെന്നും ആധുനികതയിലേക്കുള്ള യാത്രയില്‍ നമുക്ക് വഴി തെറ്റുന്നുണ്ടോയെന്ന് ഭയപ്പെടുന്നുവെന്നും ഹൈക്കോടതി. നരബലി നടന്നെന്ന വാര്‍ത്ത ഞെട്ടിക്കുന്നതാണെന്ന് ജസ്റ്റിസ് ദേവന്‍ രാമചന്ദ്രന്‍ പറഞ്ഞു.

അസാധാരണമായ പല പെരുമാറ്റങ്ങളും ജനങ്ങളില്‍ നിന്നുണ്ടാകുന്നു. പുതിയ തലമുറ കണ്ടുവളരുന്നത് ഇതൊക്കെയാണെന്ന് ഓര്‍മ വേണമെന്നും ജസ്റ്റിസ് ദേവന്‍ രാമചന്ദ്രന്‍ പറഞ്ഞു.

അതേസമയം ഇലന്തൂരില്‍ ഇരട്ടക്കൊല നടന്ന വീട്ടില്‍ നിന്നും രണ്ട് സ്ത്രീകളുടെയും മൃതദേഹാവശിഷ്ടങ്ങള്‍ കണ്ടെടുത്തു. നാല് കുഴികളിലായാണ് മൃതദേഹങ്ങള്‍ മറവ് ചെയ്തത്. ദമ്പതികള്‍ക്ക് കട ബാധ്യതയുണ്ടായിരുന്നതായും കട ബാധ്യത തീര്‍ക്കുന്നതിന് ആഭിചാരത്തിനായാണ് ഷാഫിയെ സമീപിച്ചതെന്നും പൊലീസ് വ്യക്തമാക്കി.