തുര്‍ക്കി പാര്‍ലമെന്റില്‍ സംസാരിക്കവെ പ്രതിപക്ഷ എം.പി ചുറ്റിക കൊണ്ട് മൊബൈല്‍ ഫോണ്‍ തല്ലിപ്പൊട്ടിച്ചു. ബുറാക് എര്‍ബൈ എന്ന പ്രതിപക്ഷ എം.പിയാണ് പുതിയ ബില്ലിനെതിരേ സംസാരിച്ചുകൊണ്ടിരിക്കെ പ്രതിഷേധം അറിയിക്കാന്‍ ചുറ്റിക കൊണ്ട് സ്വന്തം മൊബെല്‍ മേശപ്പുറച്ച് വച്ച് പൊട്ടിച്ചത്.

ഇന്റര്‍നെറ്റിലൂടെ കിംവദന്തികളും തെറ്റായ വിവരങ്ങളും പ്രചരിപ്പിക്കുന്നത് തടയാനാണ് ബില്ല് അവതരിപ്പിച്ചതെന്ന് ഭരണകൂടം പറയുന്നു. പ്രതിപക്ഷ കക്ഷിയായ റിപബ്ലിക്കന്‍ പീപ്ള്‍സ് പാര്‍ട്ടിയുടെ എം.പിയാണ് ബുറാക് എര്‍ബൈ.

ഇന്റര്‍നെറ്റിലും സമൂഹമാധ്യമങ്ങളിലും തെറ്റായ കാര്യങ്ങള്‍ പ്രചരിപ്പിക്കുന്നവരുടെ പേരുവിവരങ്ങള്‍ പുറത്തുവിടണമെന്നും കുറ്റക്കാര്‍ക്ക് മൂന്നു വര്‍ഷം വരെ തടവുശിക്ഷ നല്‍കണമെന്നും വ്യവസ്ഥ ചെയ്യുന്ന നിയമനിര്‍മാണത്തിനാണ് തുര്‍ക്കി പാര്‍ലമെന്റില്‍ ബില്ല് അവതരിപ്പിച്ചത്. എന്നാല്‍ ഈ നിയമം മാധ്യമ സ്വാതന്ത്ര്യത്തിന് ഭീഷണിയാണെന്നും വ്യാപകമായ സെന്‍സര്‍ഷിപ്പിന് ഇടയാക്കുമെന്നുമാണ് വിമര്‍ശകരുടെ അഭിപ്രായം.

https://www.youtube.com/watch?v=J6cKu4DavBI