കോട്ടയം: വീട്ടുകാര്യങ്ങളില്‍ കുശിനിക്കാരന്‍ അഭിപ്രായം പറയുന്നതുപോലെയാണ് ഇടതുമുന്നണിയുടെ നിലപാട് സംബന്ധിച്ച് ഫ്രാന്‍സിസ് ജോര്‍ജിന്റെ പ്രസ്താവനയെന്ന് കേരളാ കോണ്‍ഗ്രസ് (എം) സ്റ്റിയറിങ് കമ്മിറ്റി അംഗം പ്രിന്‍സ് ലൂക്കോസ് അഭിപ്രായപ്പെട്ടു.
രൂപംകൊണ്ടതിനു ശേഷമുള്ള ആദ്യതെരഞ്ഞെടുപ്പില്‍ തന്നെ മത്സരിച്ച സീറ്റുകളിലെല്ലാം വീരമൃത്യു പ്രാപിച്ച പാര്‍ട്ടിയാണ് ജനാധിപത്യ കേരളാ കോണ്‍ഗ്രസ്. സ്വാഭാവിക മരണം സംഭവിച്ചുകഴിഞ്ഞ ഈ പാര്‍ട്ടിയുടെ പ്രസ്താവനകള്‍ക്കും അഭിപ്രായപ്രകടനങ്ങള്‍ക്കും ആ വിലയേ നല്‍കുന്നുള്ളൂവെന്നും അദ്ദേഹം പറഞ്ഞു.