തിരുവനന്തപുരം: മുട്ടത്തറ സീവേജ് പ്ലാന്റില്‍ നിന്ന് കണ്ടെടുത്ത ശരീരാവശിഷ്ടം തമിഴ്‌നാട്ടിലെ ഗുണ്ടാനേതാവിന്റെതാണെന്ന് പൊലിസ്. സംഭവത്തില്‍ രണ്ട് പേരെ പൊലിസ് കസ്റ്റഡിയിലെടുത്തു. തിരുവനന്തപുരം വലിയതുറ സ്വദേശികളാണ് കേസിലെ പ്രതികള്‍. പ്രതികളുമായുള്ള തെളിവെടുപ്പില്‍ മൃതദേഹത്തിന്റെ മറ്റുചില ഭാഗങ്ങളും കണ്ടെടുത്തിട്ടുണ്ട്.

തമിഴ്‌നാട്ടില്‍ നിന്നുള്ള ഗുണ്ടാനേതാവ് കനിഷ്‌കറാണ് കൊല്ലപ്പെട്ടത്. ഗുണ്ടാപ്പകയെത്തുടര്‍ന്നുള്ള കൊലപാതകമാണിതെന്നാണ് പ്രാഥമിക നിഗമനം.

ഓഗസ്റ്റ് 14നാണ് രണ്ട് കാലുകള്‍ തിരുവനന്തപുരം മുട്ടത്തറയിലെ മാലിന്യനിക്ഷേപ കേന്ദ്രത്തിലെ കിണറ്റില്‍ നിന്നും കണ്ടെത്തിയത്.
മെഡിക്കല്‍ കോളേജില്‍ നിന്നും ഉപേക്ഷിച്ചതാകാമെന്നാണ് ആദ്യം കരുതിയിരുന്നതെങ്കിലും പോലീസ് കേസെടുക്കുകയും അന്വേഷണം ആരംഭിക്കുകയുമായിരുന്നു. തുടര്‍ന്നാണ് കേസിന് വഴിത്തിരിവുണ്ടായത്.