HOME
DETAILS

റാന്നിയില്‍ വിദ്യാര്‍ത്ഥികള്‍ക്ക് നേരെ സദാചാര ആക്രമണം നടത്തിയ സംഭവത്തില്‍ മഹിളാ മോര്‍ച്ച നേതാവിനും ഭര്‍ത്താവിനുമെതിരെ കേസ്

  
backup
October 27 2022 | 13:10 PM

kerala-a-moral-attack-on-the-students-gathered-on-the-bridge-case-against-mahila-morcha-leader-and-her-husband

പത്തനംതിട്ട; റാന്നിയില്‍ കോളേജ് വിദ്യാര്‍ത്ഥികള്‍ക്ക് നേരെ സദാചാരാക്രമണം നടത്തിയ സംഭവത്തില്‍ മഹിളാ മോര്‍ച്ച നേതാവിന് എതിരെ കേസെടുത്തു.മഹിളാ മോര്‍ച്ച ആറന്‍മുള മണ്ഡലം സെക്രട്ടറി അനുപമ, ഭര്‍ത്താവ് സുജിത്, സഹോദരന്‍ അനു എന്നിവര്‍ക്ക് എതിരെയാണ് ആറന്‍മുള പൊലീസ് കേസെടുത്തത്.വിദ്യാര്‍ത്ഥികള്‍ ആക്രമിച്ചെന്ന പരാതിയിലും കേസെടുത്തിട്ടുണ്ട്.

റാന്നി വാഴക്കുന്നത്ത് ഇന്നലെ ഉച്ചക്കാണ് സംഭവം. കോഴഞ്ചേരി സെന്റ് തോമസ് കോളജിലെ വിദ്യാര്‍ത്ഥികള്‍ക്ക് നേരെയാണ് സദാചാര ആക്രമണമുണ്ടായത്.മൂന്ന് ആണ്‍കുട്ടികളും രണ്ട് പെണ്‍കുട്ടികളും പാലത്തില്‍ ഒരുമിച്ചിരുന്നത് ചോദ്യം ചെയ്ത് മൂന്നംഗ സംഘം മര്‍ദിച്ചുവെന്ന് കാണിച്ചാണ് വിഷ്ണു, സല്‍മാന്‍, ആദര്‍ശ് എന്നീ വിദ്യാര്‍ത്ഥികള്‍ ആറന്മുള പൊലീസില്‍ പരാതി നല്‍കിയത്.തങ്ങളെ മര്‍ദിച്ചതിന് പുറമെ പാലത്തില്‍ നിന്ന് തള്ളിതാഴെയിടുമെന്ന് ഭീഷണിപ്പെടുത്തിയതായും വിദ്യാര്‍ത്ഥികള്‍ പറഞ്ഞു.എന്നാല്‍ കാറിന് വഴികൊടുക്കാഞ്ഞതിനെ തുടര്‍ന്നുണ്ടായ തര്‍ക്കമെന്നാണ് പൊലീസ് പറയുന്നത്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."