കുറവിലങ്ങാട്: രണ്ടാം ഭാര്യയെ നടുറോഡില്‍ കുത്തികൊലപ്പെടുത്താന്‍ ശ്രമിച്ചയാളെ പൊലിസ് അറസ്റ്റുചെയ്തു.
കാളികാവ് അമ്പലത്തിംഗല്‍ രാജേഷ്(42)നെയാണ് കുറവിലങ്ങാട് എസ്.ഐ റിച്ചാഡ് വര്‍ഗീസിന്റെ നേതൃത്വത്തിലുള്ള സംഘം പിടികൂടിയത്. വയറില്‍ കുത്തേറ്റ് ഗുരുതരമായി പരിക്കേറ്റ വടക്കേപരുന്തനോലില്‍ ബിന്ദുരാഗിണി(40)യെ കോട്ടയം മെഡിക്കല്‍കോളജ് ആശുപത്രിയില്‍ പ്രവേശിപ്പിച്ചു.കഴിഞ്ഞ ദിവസം കുറവിലങ്ങാട് ടൗണില്‍ പാറ്റാനിജംഗ്ഷനിലായിരുന്നു സംഭവം.
2008 ല്‍ ആദ്യഭാര്യ പിറവംസ്വദേശി ലിജിയെ തീകൊളുത്തി കൊലപ്പെടുത്തിയന്ന കേസില്‍ രാജേഷിനെ മുമ്പ് കുറവിലങ്ങാട് പൊലിസ് അറസ്റ്റുചെയ്തിരുന്നു. കഴിഞ്ഞ നാലുവര്‍ഷമായി ബിന്ദുവിനൊപ്പമാണ് രാജേഷ് കഴിഞ്ഞിരുന്നത് നിരവധിതവണ രാജേഷില്‍നിന്നും മര്‍ദ്ദനമേറ്റിരുന്നതായി ബിന്ദുപൊലീസിന് പരാതിനല്‍കിയിരുന്നു. കുത്തേറ്റ് രക്തം വാര്‍ന്ന് റോഡില്‍കിടന്നിരിന്ന ബിന്ദുവിനെ പൊലീസാണ് മെഡിക്കല്‍കോളജിലെത്തിച്ചത് സംഭവസ്ഥലത്തുനിന്നും രക്ഷപെട്ട രാജേഷ് മണിക്കൂറുകള്‍ക്കുള്ളില്‍ പൊലീസ് പിടിയിലാവുകയായിരന്നു.