തിരുവനന്തപുരത്ത് വന്‍ സ്വര്‍ണവേട്ട; 6 കിലോ സ്വര്‍ണം പിടികൂടി, 13 പേര്‍ പിടിയില്‍

തിരുവനന്തപുരം: തിരുവനന്തപുരം വിമാനത്താവളത്തില്‍ നിന്ന് ആറ് കിലോ സ്വര്‍ണം പിടികൂടി. ഡിആര്‍ഐയും കസ്റ്റംസും സംയുക്തമായി നടത്തിയ പരിശോധനയിലാണ് വിമാനത്താവളം വഴി കടത്തുകയായിരുന്ന സ്വര്‍ണ്ണം പിടിച്ചത്. ശ്രീലങ്കന്‍ പൗരന്‍മാരായ 10 സ്ത്രീകളും മൂന്നു പുരുഷന്‍മാരും ഒരു തമിഴ്‌നാട് സ്വദേശിയുമാണ് സ്വര്‍ണം കടത്തിയത്. എല്ലാവരെയും കസ്റ്റംസ് കസ്റ്റഡിയിലെടുത്തു. ബാഗിലും ഷൂസിലുമായി സൂക്ഷിച്ചിരിക്കുകയായിരുന്നു സ്വര്‍ണം. ഇന്നലെ തിരുവനന്തപുരം വിമാനത്താവളത്തില്‍ രണ്ടു കിലോ സ്വര്‍ണം പിടികൂടിയിരുന്നു.