ചങ്ങരംകുളം: ഓണപ്പരീക്ഷ എത്തിയിട്ടും പാഠപുസ്തകമെത്തിയില്ലെന്നാരോപിച്ചു യൂത്ത് കോണ്‍ഗ്രസ് ആലംങ്കോട് മണ്ഡലം കമ്മറ്റി പ്രവര്‍ത്തകര്‍ പാഠപുസ്തകം വിതരണം ചെയ്തു. ഓണപ്പരീക്ഷയായിട്ടും ഏഴാം ക്ലാസിലെയും എട്ടാം ക്ലാസിലെയും ചില പുസ്തകങ്ങള്‍ വിദ്യാര്‍ഥികള്‍ക്കു ലഭിച്ചിരുന്നില്ല. ഇതില്‍ പ്രതിഷേധിച്ചാണു യൂത്ത് കോണ്‍ഗ്രസ് പ്രവര്‍ത്തകര്‍ ചങ്ങരംകുളം-പെരുമുക്ക് എം.ടി.എം.യു.പി സ്‌കൂളിലെ വിദ്യാര്‍ഥികള്‍ക്ക് പുസ്തകം വിതരണം ചെയ്തത്. പരിപാടി യൂത്ത് കോണ്‍ഗ്രസ് സംസ്ഥാന സെക്രട്ടറി സിദ്ദിഖ് പന്താവൂര്‍ ഉദ്ഘാടനം ചെയ്തു. സമരത്തോട് സ്‌കൂളിലെ അധ്യാപകരും പൂര്‍ണമായും സഹകരിച്ചു. ഹബീബ് കോക്കൂര്‍, ഹക്കിം പെരുമുക്ക്, ഉബൈദ്, കണ്ണന്‍ നമ്പ്യാര്‍ എന്നിവര്‍ നേതൃത്വം നല്‍കി.