ദോഹ: ഖത്തര്‍ ലോകകപ്പില്‍ നിന്ന് പുറത്താകുന്ന ആദ്യ ടീമായി ഖത്തര്‍. ഗ്രൂപ്പ് 'എ'യില്‍ രണ്ടാം റൗണ്ട് ഉറപ്പിക്കുന്നതില്‍ നിര്‍ണായകമായ പോരാട്ടത്തില്‍ ഇക്വഡോര്‍ നെതര്‍ലന്‍ഡ് ടീമുകള്‍ ഓരോഗോളുകള്‍ നേടി മത്സരം സമനിലയില്‍ പിരിഞ്ഞതോടെയാണ് ഖത്തറിന്റെ മുന്നോട്ടുള്ള ലോകകപ്പ് യാത്ര അവസാനിച്ചത്.
ഇതോടെ 2ടീമിനും രണ്ടു കളികളിലായി 4 പോയിന്റ് നേടാനായി.

ആദ്യപകുതിയുടെ തുടക്കത്തില്‍ ഗോള്‍ നേടി ഓറഞ്ച് പട മുന്നിലെത്തിയപ്പോള്‍ രണ്ടാം പകുതിയുടെ തുടക്കത്തില്‍ ഇക്വഡോര്‍ സമനില ഗോള്‍ നേടി. നെതര്‍ലന്‍ഡ്‌സിനായി കോഡി ഗാക്‌പോയും (ആറ്) ഇക്വഡോറിനു വേണ്ടി എന്നര്‍ വലെന്‍സിയയും (49) ഗോളടിച്ചു.

നേരത്തെ ഗ്രൂപ്പ് എയിലെ ഏറ്റവും നിര്‍ണായക പോരാട്ടത്തില്‍ സെനഗലിന്റെ സര്‍വ്വം മറന്നുള്ള പോരാട്ട വീര്യത്തെ അതിജീവിച്ച് നെതര്‍ലാന്‍ഡ്‌സ് ആദ്യ ജയം സ്വന്തമാക്കിയിരുന്നു. എതിരില്ലാത്ത രണ്ട് ഗോളിനായിരുന്നു ജയം.