HOME
DETAILS

പൂജപ്പുര ജയിലില്‍നിന്ന് കൊലക്കേസ് പ്രതി രക്ഷപ്പെട്ടു

  
backup
September 08 2021 | 04:09 AM

%e0%b4%aa%e0%b5%82%e0%b4%9c%e0%b4%aa%e0%b5%8d%e0%b4%aa%e0%b5%81%e0%b4%b0-%e0%b4%9c%e0%b4%af%e0%b4%bf%e0%b4%b2%e0%b4%bf%e0%b4%b2%e0%b5%8d%e2%80%8d%e0%b4%a8%e0%b4%bf%e0%b4%a8%e0%b5%8d%e0%b4%a8%e0%b5%8d


തിരുവനന്തപുരം: ജീവപര്യന്തം തടവുശിക്ഷ അനുഭവിക്കുന്ന കൊലക്കേസ് പ്രതി പൂജപ്പുര സെന്‍ട്രല്‍ ജയിലില്‍നിന്ന് ചാടിപ്പോയി. തൂത്തുക്കുടി സ്വദേശി ജാഹിര്‍ ഹുസൈന്‍(48) ആണ് ജയില്‍ ചാടിയത്.
ജയിലില്‍ അലക്കുജോലിയായിരുന്നു ഇയാള്‍ക്ക്. ജോലിക്കായി സെല്ലിന് പുറത്തിറക്കിയ ശേഷമാണ് ഇയാളെ കാണാതായത്. ജയിലിന്റെ പിന്‍ഭാഗത്താണ് അലക്കുകേന്ദ്രം. ഇവിടെ ജയിലിന് മതില്‍ നിര്‍മിച്ചിട്ടില്ല. ഈ വഴിയാണ് പ്രതി കടന്നുകളഞ്ഞതെന്നു കരുതുന്നു. മതിലില്ലാത്ത ഭാഗംവഴി അലക്കുകേന്ദ്രത്തില്‍ നിന്ന് പുറത്തുവരുന്ന തടവുകാര്‍ സമീപത്തെ കടയില്‍ നിന്ന് സിഗരറ്റ് വാങ്ങിക്കുന്നത് പതിവാണ്.
രാവിലെ 7.30ഓടെയാണ് അലക്കുകേന്ദ്രത്തിലേക്ക് ജാഹിര്‍ ഹുസൈനെയും മറ്റൊരാളെയും വാര്‍ഡന്‍ കൊണ്ടുവന്നത്.
വാര്‍ഡന്‍ ജയിലിലേക്ക് മടങ്ങിയ സമയത്ത് പ്രതി രക്ഷപ്പെടുകയായിരുന്നു.
വജ്രവ്യാപാരിയായ ശംസുദ്ദീനെ കൊലപ്പെടുത്തി വജ്രങ്ങളും ആഭരണങ്ങളും കവര്‍ന്നതിന് 2015ല്‍ ഫോര്‍ട്ട് പൊലിസ് രജിസ്റ്റര്‍ ചെയ്ത കേസിലാണ് ഇയാള്‍ അറസ്റ്റിലായത്. ശംസുദ്ദീന്റെ കീഴിലായിരുന്നു ഇയാള്‍ ജോലിചെയ്തിരുന്നത്.
2013ലാണ് തിരുവനന്തപുരം അതിവേഗ കോടതി പ്രതിയെ ജീവപര്യന്തം തടവിന് ശിക്ഷിച്ചത്. ഇയാള്‍ക്കായി തിരച്ചില്‍ ഊര്‍ജിതമാക്കി.
സംഭവത്തില്‍, ഡ്യൂട്ടിയിലുണ്ടായിരുന്ന അസിസ്റ്റന്റ് പ്രിസണ്‍ ഓഫിസറെ സസ്‌പെന്റ് ചെയ്തു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."