നാര്കോട്ടിക് ജിഹാദിലും ലൗജിഹാദിലും ഒരടിസ്ഥാനവുമില്ലെന്ന് മുഖ്യമന്ത്രി; സര്വകക്ഷിയോഗം ഇപ്പോഴില്ല
തിരുവനന്തപുരം: നാര്കോട്ടിക് ജിഹാദിലും ലൗ ജിഹാദിലും ഒരടിസ്ഥാനവുമില്ലെന്ന് കണക്കുകള് ഉദ്ധരിച്ച് മുഖ്യമന്ത്രിയുടെ മറുപടി. ക്രൈസ്തവരെ ഇസ്ലാം മതത്തിലേക്ക് മാറ്റുന്നുവെന്ന ആശങ്ക അടിസ്ഥാനരഹിതമാണ്. അത്തരം ഒരു പരാതിയും ലഭിച്ചിട്ടില്ല. ഉയര്ന്ന ആരോപണങ്ങളുടെ അടിസ്ഥാനത്തില് നടത്തിയ അന്വേഷണത്തിലോ വസ്തുതകളില്ലെന്ന് ബോധ്യപ്പെട്ടതാണെന്നും മുഖ്യമന്ത്രി വ്യക്തമാക്കി.
ചിലര് വിവാദങ്ങള് സൃഷ്ടിക്കാന് ബോധപൂര്വം ശ്രമിക്കുന്നു. കുളം കലക്കി മീന് പിടിക്കുന്നവരേ ഒറ്റപ്പെടുത്തുകതന്നെ വേണം. കോട്ടയത്തെ അഖില ഹാദിയയാത് നിര്ബന്ധിത മതപരിവര്ത്തനമല്ലെന്ന് കണ്ടെത്തിയത് കോടതിയാണ്. വസ്തുതയുടെ അടിസ്ഥാനത്തിലല്ല ചിലര് ആരോപണങ്ങളുന്നയിക്കുന്നത്.
പ്രണയവും മയക്കുമരുന്നും ഏതെങ്കിലും മതത്തിന്റെ കള്ളിയില് തള്ളേണ്ടതില്ല. തെറ്റായ നടപടിയുണ്ടായാല് ശക്തമായ നടപടിയുണ്ടാകും. അനാവശ്യ പരാമര്ശം നടത്തിയവര് തെറ്റ് തിരുത്തുകയാണ് വേണ്ടതെന്നും അദ്ദേഹം പറഞ്ഞു.
2019 നൂറുപേരാണ് കേരളത്തില് നിന്ന് ഐ.എസില് ചേര്ന്നത്. 72 പേര് വിദേശത്തു നിന്നാണ് ഐ.എസില് ചേര്ന്നത്. 72ല് 71 പേരും മുസ്ലിം സമുദായത്തില് ജനിച്ചവരാണ്. മുഖ്യമന്ത്രി
വിഭാഗീയതക്കിടയാക്കുന്ന പ്രവണത പാടില്ല. സര്വകക്ഷിയോഗം വിളിക്കേണ്ട ആവശ്യം ഇപ്പോഴില്ലെന്നും ഓരോരുത്തരും അവരുടെ നിലപാടുകള് സ്വീകരിച്ച് സംയമനം പാലിക്കുകയാണ് വേണ്ടതെന്നും പറഞ്ഞ അദ്ദേഹം മതനേതാക്കളെ കാണുന്നകാര്യം ആലോചിക്കാമെന്നും മുഖ്യമന്ത്രി ചോദ്യങ്ങളോട് പ്രതികരിച്ചു.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."