യെമനിലേക്ക് പോകാന് അനുവദിക്കണം; നിമിഷപ്രിയയുടെ അമ്മ സുപ്രിം കോടതിയെ സമീപിച്ചു
നിമിഷപ്രിയയുടെ അമ്മ സുപ്രിം കോടതിയെ സമീപിച്ചു
ന്യൂഡല്ഹി: യെമനില് വധശിക്ഷ വിധിച്ച് ജയിലില് കഴിയുന്ന നിമിഷ പ്രിയയെ കാണാന് യെമനിലേക്ക് പോകണമെന്ന് ആവശ്യപ്പെട്ട് അമ്മ സുപ്രിംകോടതിയില് ഹരജി നല്കി. യമന് യാത്രയ്ക്ക് അനുമതി നിഷേധിച്ച കേന്ദ്ര വിദേശകാര്യ മന്ത്രാലയത്തിന്റെ നടപടി ചോദ്യം ചെയ്താണ് ഹര്ജി. നിമിഷപ്രിയയുടെ ജീവന് രക്ഷിക്കാന് യമന് യാത്ര അനിവാര്യമാണെന്ന് അമ്മ പ്രേമകുമാരി ഹര്ജിയില് പറയുന്നു.
നിമിഷ പ്രിയയുടെ മോചനത്തിന് വേണ്ടി ശ്രമിക്കാനായി നേരിട്ട് യമനിലേക്ക് പോകണമെന്ന നിമിഷ പ്രിയയുടെ അമ്മയുടെ ആവശ്യം പുനഃപരിശോധിക്കണമെന്നാണ് വിദേശകാര്യ മന്ത്രാലയം ആവശ്യപ്പെട്ടത്. യെമെനിലെ ആഭ്യന്തര സാഹചര്യങ്ങള് കാരണം എംബസി ജിബൂട്ടിയിലേക്ക് മാറ്റിയിരിക്കുകയാണെന്നും അവിടെ സഹായത്തിന് നയതന്ത്ര പ്രതിനിധികള് ഇല്ലെന്നും മന്ത്രാലയം മറുപടിയില് പറഞ്ഞു. സുരക്ഷാ വിഷയങ്ങള് നിലനില്ക്കുന്ന സാഹചര്യത്തില് തത്കാലം യാത്ര ചെയ്യരുതെന്നുമാണ് മറുപടിയില് പറയുന്നത്.
നിമിഷപ്രിയയുടെ കുടുംബം യെമെന് സന്ദര്ശിച്ചാല് അവിടെ സൗകര്യങ്ങള് ഒരുക്കാന് സര്ക്കാരിന് സാധിക്കില്ലെന്ന് വിദേശകാര്യ മന്ത്രാലയത്തിലെ ഡയറക്ടര് തനുജ് ശങ്കര്, പ്രേമകുമാരിക്ക് കൈമാറിയ കത്തില് വ്യക്തമാക്കി. എന്നാല് നിമിഷപ്രിയയുടെ കേസില് സാധ്യമായ നടപടികള് എല്ലാം ചെയ്യുന്നുണ്ടെന്നും കേന്ദ്രം പ്രേമകുമാരിക്ക് കൈമാറിയ കത്തില് വിശദീകരിച്ചിട്ടുണ്ട്. വധശിക്ഷയ്ക്കെതിരെ നിമിഷപ്രിയ നല്കിയ അപ്പീല് നവംബര് 13ന് യമനിലെ സുപ്രീം കോടതി തള്ളിയിരുന്നു.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."