കെ-ടെറ്റ് 2023; ഹാള്‍ടിക്കറ്റുകള്‍ വെബ്‌സൈറ്റില്‍; ഇന്നുമുതല്‍ ഡൗണ്‍ലോഡ് ചെയ്യാം

2023 ഒക്ടോബര്‍ മാസത്തിലെ കെ-ടെറ്റ് വിജ്ഞാപന പ്രകാരം പരീക്ഷ എഴുതുന്നതിനായി അപേക്ഷ സമര്‍പ്പിച്ചവരുടെ ഹാള്‍ടിക്കറ്റുകള്‍ ഇന്നുമുതല്‍ (ഡിസംബര്‍ 20) വെബ്‌സൈറ്റില്‍ നിന്ന് ഡൗണ്‍ലോഡ് ചെയ്യാം. ഡിസംബര്‍ 29,30 തീയ്യതികളിലായിട്ടാണ് പരീക്ഷ.

പരീക്ഷക്കായി പരീക്ഷാര്‍ഥികള്‍ ഡൗണ്‍ലോഡ് ചെയ്‌തെടുത്ത ഹാള്‍ടിക്കറ്റും കെ-ടെറ്റിന് അപേക്ഷിച്ചപ്പോള്‍ ഓണ്‍ലൈനായി രേഖപ്പെടുത്തിയ തിരിച്ചറിയല്‍ രേഖയുടെ ഒറിജിനലും കൊണ്ടുവരേണ്ടതാണ്.

തിരിച്ചറിയല്‍ രേഖയുടെ ഒറിജിനല്‍ കൊണ്ടുവരാത്തവരെയും, ഓണ്‍ലൈനായി രേഖപ്പെടുത്തിയ തിരിച്ചറിയല്‍ രേഖ കൈവശമില്ലാത്തവരെയും, തിരിച്ചറിയല്‍ രേഖയുടെ പകര്‍പ്പുകള്‍, മൊബൈലില്‍ സേവ് ചെയ്തിട്ടുള്ള തിരിച്ചറിയല്‍ രേഖകള്‍ എന്നിവ സമര്‍പ്പിക്കുന്നവരെയും പരീക്ഷ എഴുതാന്‍ അനുവദിക്കില്ലെന്നും സെക്രട്ടറി അറിയിച്ചു. കൂടുതല്‍ വിവരങ്ങള്‍ക്ക് https://ktet.kerala.gov.in/ സന്ദര്‍ശിക്കുക.