ഷാര്‍ജ: പത്ത് സംഘടനകളുടെ കോണ്‍ഫെഡറേഷനായ അസോസിയേഷന്‍ ഓഫ് ഇന്ത്യന്‍ മുസ്‌ലിംസ് (എയിം) സൗഹൃദ സംഗമവും ഗ്രാന്‍ഡ് ഇഫ്താര്‍ വിരുന്നും സംഘടിപ്പിച്ചു. ഷാര്‍ജ പേസ് ഇന്റര്‍നാഷനല്‍ സ്‌കൂളില്‍ നടന്ന സംഗമം യുവ വ്യവസായിയും പേസ് ഗ്രൂപ് ഡയറക്ടറുമായ
പി.എ സല്‍മാന്‍ ഇബ്രാഹിം ഉദ്ഘാടനം ചെയ്തു. എയിം ചെയര്‍മാന്‍ ഡോ. കരീം വെങ്കടങ്ങ് അധ്യക്ഷത വഹിച്ചു. പ്രോഗ്രാം ചെയര്‍മാന്‍ എം.സി ജലീല്‍, ജനറല്‍ കണ്‍വീനര്‍ വാഹിദ് മയ്യേരി, മുഹമ്മദ് റാഫി ഫ്‌ളോറ തുടങ്ങിയവരും വിവിധ സംഘടനാ നേതാക്കളും സംസാരിച്ചു.
സ്ത്രീകളും കുട്ടികളുമടങ്ങുന്ന മൂവായിരത്തോളം പേര്‍ സൗഹൃദ സംഗമത്തിലും ഇഫ്താറിലും സംബന്ധിച്ചു. ഇരുന്നൂറോളം വരുന്ന വളണ്ടിയര്‍ മാര്‍ ഇഫ്താര്‍ വിരുന്നൊരുക്കാന്‍ സേവന രംഗത്ത് സജീവമായിരുന്നു.