ചടയമംഗലം: ദുരൂഹസാഹചര്യത്തില്‍ യുവതിയെ വീട്ടിനുളളില്‍ മരിച്ച നിലയില്‍ കണ്ടെത്തിയ സംഭവത്തില്‍ ഭര്‍ത്താവിനെ ചടയമംഗലം പൊലിസ് അറസ്റ്റ് ചെയ്തു.
അക്കോണം കുന്നുവിള വീട്ടില്‍ ഹലിമ (37)മരിച്ച സംഭവത്തില്‍ഇവരുടെ ഭര്‍ത്താവ് അഷറഫാണ് (മമ്മൂട്ടി-45)പിടിയിലായത്.  ഇവരുടെ വീട്ടില്‍ വഴക്ക് പതിവായിരുന്നുവെന്ന നാട്ടുകാരുടെയും ബന്ധുക്കളുടെയും  മൊഴിയെ തുടര്‍ന്ന് സംഭവ ദിവസം തന്നെ ഇയാളെ പൊലിസ് കസ്റ്റഡിയിലെടുത്തിരുന്നു. ഉച്ചയ്ക്ക് ഊണ് കഴിച്ചുകൊണ്ടിരുന്നപ്പോഴുണ്ടായ വഴക്കാണ് കൊലപാതകത്തില്‍ കലാശിച്ചതെന്ന് ഇയാള്‍ ചോദ്യം ചെയ്യലില്‍ സമ്മതിച്ചു. കൊലപാതക ശേഷം ഇയാള്‍ ചടയമംഗലത്തുള്ള ജുമാമസ്ജിദിലും പോയിരുന്നു. വര്‍ക്കലയില്‍ നിന്ന് ഹലീമയുടെ ബന്ധുക്കളെത്തി ഇയാള്‍ക്കെതിരേ പരാതി നല്‍കിയിരുന്നു.
മജിസ്‌ട്രേറ്റിനുമുന്നില്‍ ഹാജരാക്കിയ പ്രതിയെ റിമാന്റ് ചെയ്തു.