പാലക്കാട്: ആര്‍.എസ്.എസ് പ്രവര്‍ത്തകന്‍ സഞ്ജിത്തിന്റെ കൊലപാതകത്തില്‍ ഒരാളെ പൊലിസ് അറസ്റ്റ് ചെയ്തു. കൊലപാതകവുമായി നേരിട്ട് ബന്ധമുള്ളയാളാണ് പ്രതിയെന്നാണ് പൊലിസ് നല്‍കുന്ന സൂചന.

എന്നാല്‍ ഇയാളുടെ കൂടുതല്‍ വിവരങ്ങള്‍ പൊലീസ് പുറത്തുവിട്ടിട്ടില്ല. കേസില്‍ ഇന്ന് പാലക്കാട് സ്വദേശികളായ മൂന്ന് പേരെ പൊലീസ് മുണ്ടക്കയത്ത് നിന്നും കസ്റ്റഡിയില്‍ എടുത്തിരുന്നു. ഇവരെ വിശദമായി പൊലീസ് ചോദ്യം ചെയ്ത് വരികയാണ്.