പുത്തനത്താണി: സഹപാഠികളുടെ കുടുംബത്തിനു വീട് നിര്‍മിച്ചു നല്‍കി വിദ്യാര്‍ഥികള്‍ മാതൃകയായി. പുത്തനത്താണിയിലെ സ്വകാര്യ വിദ്യാഭ്യാസ സ്ഥാപനത്തിലെ വിദ്യാര്‍ഥികളാണു കൂട്ടായ്മയിലൂടെ ഈ ഉദാത്ത മാതൃക സൃഷ്ടിച്ചത്. 11 ലക്ഷം രൂപ ചെലവിലാണു വീട് നിര്‍മാണം പൂര്‍ത്തീകരിച്ചത്.
സഹപാഠികളില്‍ നിന്നും പിരിവെടുത്തും സ്വന്തം അധ്വാനം സമര്‍പ്പിച്ചുമാണു കുത്ത്കല്ല്, കല്ലിങ്ങല്‍ എന്നിവിടങ്ങളില്‍ വീടു നിര്‍മിച്ചത്. വീടുകളുടെ താക്കോല്‍ദാനം നിയമസഭാ പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി, എം.പി അബ്ദു സമദ്‌സമദാനി എന്നിവര്‍ നിര്‍വഹിച്ചു. പ്രിന്‍സിപ്പല്‍ കെ.അബു അധ്യക്ഷനായി.
ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍, ഐ.പി ബാബു, ചിറ്റകത്ത് മുഹമ്മദാലി, കൂട്ടായി ഇര്‍ഷാദ്, പള്ളത്ത് ഇബ്രാഹീം, ശ്രീനിവാസന്‍, വെട്ടന്‍ ഹബീബ് സംസാരിച്ചു.