തിരുവനന്തപുരം: പരാജയത്തില്‍ പാഠം ഉള്‍ക്കൊള്ളുന്നു; ഇനി സജീവരാഷ്ട്രീയത്തിലേക്കില്ലെന്ന് ഇ. ശ്രീധരന്‍.തിരുവനന്തപുരം: സജീവ രാഷ്ട്രീയത്തില്‍ ഇനി തുടരുന്നില്ലെന്ന് മെട്രോമാന്‍ ഇ ശ്രീധരന്‍. ബി.ജെ.പിക്ക് സാധ്യതയുണ്ടായിരുന്ന അവസരത്തിലാണ് മത്സരത്തിന് ഇറങ്ങിയതെന്ന് അദ്ദേഹം പറഞ്ഞു.

രാഷ്ട്രീയത്തില്‍ നിന്ന് പൂര്‍ണമായി പിന്മാറുന്നില്ല സജീവമായി രംഗത്ത് തുടരാന്‍ മോഹമില്ലെന്നും വയസ് തൊണ്ണൂറായെന്നും, ഈ വയസില്‍ രാഷ്ട്രീയത്തില്‍ കേറിച്ചെല്ലുന്നത് അപകടമാണെന്നും അദ്ദേഹം കൂട്ടിച്ചേര്‍ത്തു.

രാഷ്ട്രീയം വേണ്ടിയിരുന്നില്ലെന്ന് തോന്നുന്നില്ല. ഒരാള്‍ എം.എല്‍.എ ആയി വന്നതുകൊണ്ട് ഒന്നും ചെയ്യാന്‍ സാധിക്കില്ല. അധികാരം കിട്ടാതെ ഒന്നും ചെയ്യാന്‍ കഴിയില്ല. എന്നാല്‍ പരാജയപ്പെട്ടപ്പോള്‍ നിരാശ തോന്നിയെന്നും അദ്ദേഹം പറഞ്ഞു.
കെ റെയിലിനെയും ശ്രീധരന്‍ വിമര്‍ശിച്ചു. കെ റെയില്‍ ഇപ്പോള്‍ പ്രായോഗികമല്ലെന്നും. സര്‍ക്കാരിന് കൂടുതല്‍ സാമ്പത്തിക ബാധ്യതയുണ്ടാക്കുമെന്നും അദ്ദേഹം കൂട്ടിച്ചേര്‍ത്തു.