റിയാദ്:ബസ്,ട്രക്ക് എന്നിവ ഉൾപ്പടെയുള്ള വലിയ വാഹനങ്ങൾ നടത്തുന്ന വിവിധ നിയമലംഘനങ്ങൾ സ്വയമേ കണ്ടെത്തുന്നതിനുള്ള നിരീക്ഷണ സംവിധാനം പ്രയോഗക്ഷമമാക്കിയതായി സഊദി ട്രാൻസ്‌പോർട് ജനറൽ അതോറിറ്റി (TGA) അറിയിച്ചു. 2024 ഏപ്രിൽ 21-നാണ് സഊദി ട്രാൻസ്‌പോർട് ജനറൽ അതോറിറ്റി ഇക്കാര്യം അറിയിച്ചത്.

اعتبارًا من اليوم..#الهيئة_العامة_للنقل_TGA تعلن بدء تطبيق الرصد الآلي لمخالفات الشاحنات والحافلات، في مختلف مناطق المملكة. pic.twitter.com/AkCHqDtREK

— الهيئة العامة للنقل | TGA (@Saudi_TGA) April 21, 2024

ഈ നിരീക്ഷണ സംവിധാനം 2024 ഏപ്രിൽ 21 മുതൽ പ്രയോഗക്ഷമമാക്കുമെന്ന് സഊദി ട്രാൻസ്‌പോർട് ജനറൽ അതോറിറ്റി നേരത്തെ അറിയിച്ചിരുന്നു. രാജ്യത്തിന്റെ വിവിധ ഭാഗങ്ങളിൽ ചരക്ക് ഗതാഗത്തിനായി ഉപയോഗിക്കുന്ന ട്രക്കുകൾ, വാടകയ്ക്കുള്ള ട്രക്കുകൾ, ഇന്റർനാഷണൽ ട്രാൻസ്‌പോർട് ബസുകൾ, വാടകയ്ക്കുള്ള ബസുകൾ തുടങ്ങിയ മേഖലകളിലെ വാഹനങ്ങളെയാണ് ഈ ഘട്ടത്തിലെ നിരീക്ഷണത്തിൽ ഉൾപ്പെടുത്തിയിരിക്കുന്നത്.

റോഡ് സുരക്ഷ കൂട്ടുന്നതിനും, ട്രക്കുകൾ, ബസുകൾ എന്നിവ നിബന്ധനകൾ പാലിച്ച് കൊണ്ടാണ് സർവീസുകൾ നടത്തുന്നതെന്ന് ഉറപ്പ് വരുത്തുന്നതിനുമായാണ് ഈ തീരുമാനം. 2024 ഏപ്രിൽ 21 മുതൽ സഊദി അറേബ്യയുടെ എല്ലാ മേഖലകളിലും ഈ സംവിധാനം ഉപയോഗിച്ച് കൊണ്ട് ഇത്തരം വാഹനങ്ങളുമായി ബന്ധപ്പെട്ട താഴെ പറയുന്ന നിയമലംഘനങ്ങളാണ് നിരീക്ഷിക്കുന്നത്.

ഓപ്പറേറ്റിംഗ് കാർഡ് ഇല്ലാതെ സർവീസ് നടത്തുന്ന ബസുകൾ, ട്രക്കുകൾ എന്നിവ കണ്ടെത്തുന്നതിന്.കാലാവധി അവസാനിച്ച ഓപ്പറേറ്റിംഗ് കാർഡ് ഉപയോഗിച്ച് സർവീസ് നടത്തുന്ന ഇത്തരം വാഹനങ്ങൾ കണ്ടെത്തുന്നതിന്.കാലാവധി അവസാനിച്ച പഴക്കം ചെന്ന ബസുകൾ കണ്ടെത്തുന്നതിന്.

കൂടുതൽ ഗൾഫ് വാർത്തകൾ ലഭിക്കാൻ ഗ്രൂപ്പിൽ ജോയിൻ ചെയ്യുക: