കൊച്ചി: സ്വര്‍ണവില വര്‍ധനവിനെ തുടര്‍ന്ന് 18 കാരറ്റ് സ്വര്‍ണാഭരണങ്ങളുടെ ഡിമാന്‍ഡ് വര്‍ധിക്കുന്നു. 22 കാരറ്റ് സ്വര്‍ണാഭരണങ്ങളും 18 കാരറ്റ് സ്വര്‍ണാഭരണങ്ങളും തമ്മില്‍ ആയിരത്തിലധികം രൂപയുടെ വിലവ്യത്യാസമാണ് ഗ്രാമിനുള്ളത്. ഒരു പവന്‍ വാങ്ങുമ്പോള്‍ എണ്ണായിരത്തിലധികം രൂപ കുറവ് നല്‍കിയാല്‍ മതിയെന്നതും 18 കാരറ്റ് സ്വര്‍ണാഭരണത്തിലേക്ക് കൂടുതല്‍പേര്‍ ആകൃഷ്ടരാകാന്‍ കാരണമായി.

ടീനേജുകാര്‍ ഏറ്റവും കൂടുതല്‍ ഉപയോഗിക്കുന്ന ലൈറ്റ് വെയിറ്റ് ആഭരണങ്ങള്‍ നിര്‍മിക്കപ്പെടുന്നത് 18 കാരറ്റിലാണ്. ഡയമണ്ട് ആഭരണങ്ങള്‍ നിര്‍മിക്കുന്നതും 18 കാരറ്റിലാണ്. പുതിയ തലമുറയ്ക്ക് ലൈറ്റ് വെയിറ്റ് ആഭരണങ്ങളോടുള്ള ആഗ്രഹംമൂലം 18 കാരറ്റ് ആഭരണങ്ങള്‍ വലിയതോതില്‍ വിപണിയില്‍ ലഭ്യമാകുന്നുണ്ട്.