കൊച്ചി: ആലുവയില്‍ മാഞ്ഞാലിയിലെ റിയാസ് എന്നയാളുടെ വീട്ടില്‍നിന്ന് നാലു തോക്കുകളും വെടിയുണ്ടകളും പിടിച്ചെടുത്തു. ഇയാളെ പൊലിസ് കസ്റ്റഡിയിലെടുത്തിട്ടുണ്ട്. രഹസ്യവിവരത്തെ തുടര്‍ന്നാണ് പോലിസ് വീട് റെയ്ഡ് ചെയ്തത്. രണ്ടു റിവോള്‍വറുകളും രണ്ടു പിസ്റ്റളുകളുമാണ് പിടിച്ചെടുത്തത്.

തോക്കുകള്‍ക്ക് ലൈസന്‍സില്ലെന്നാണ് നിഗമനം. എട്ടു ലക്ഷത്തിലേറെ രൂപയും ഇതോടൊപ്പം പിടിച്ചെടുത്തതായി സൂചനയുണ്ട്. ഗുണ്ടാ സംഘങ്ങളുമായി ബന്ധമുള്ള ആളാണ് റിയാസെന്നാണ് പൊലിസ് പറയുന്നത്. ഇയാള്‍ക്കെതിരേ കൊലപാതകം ഉള്‍പ്പെടെ നിരവധി കേസുകളുണ്ടെന്നും പറയുന്നു. റിയാസിനെ വിശദമായി ചോദ്യം  ചെയ്തുവരുകയാണ്.