കര്‍കര്‍ക്കുള്ള ധനസഹായ പദ്ധതിയെക്കുറിച്ച്  തെരെഞ്ഞെടുപ്പ് റാലിയില്‍ പരാമര്‍ശിച്ച തെലങ്കാന മുഖ്യമന്ത്രി രേവന്ത് റെഡ്ഡി, പെരുമാറ്റച്ചട്ടം ലംഘിച്ചെന്ന്  കേന്ദ്ര തെരെഞ്ഞെടുപ്പ് കമ്മീഷന്‍.റാബി വിളവെടുപ്പുമായി ബന്ധപ്പെട്ട് 'റായ്തു ഭറോസ പദ്ധതി'ക്കു കീഴില്‍ കര്‍ഷകര്‍ക്കു നല്‍കുന്ന ധനസഹായം മേയ് 9നു മുന്‍പ് വിതരണം ചെയ്യുമെന്നാണ് രേവന്ത് പ്രഖ്യാപിച്ചത്. 

അതേസമയം, പദ്ധതിയുടെ ഭാഗമായി വിതരണം ചെയ്യാനുള്ള പണം തെലങ്കാനയില്‍ വോട്ടെടുപ്പ് അവസാനിക്കുന്ന മേയ് 13നു ശേഷമേ നല്‍കാവൂ എന്നു കമ്മിഷന്‍ അറിയിച്ചു.  2023ലെ റാബി വിളവെടുപ്പുമായി ബന്ധപ്പെട്ട് കര്‍ഷകര്‍ക്ക് നല്‍കാനുള്ള പണമാണ് ഇപ്പോള്‍ ഘട്ടം ഘട്ടമായി വിതരണം ചെയ്യുന്നത്. ഒക്ടോബര്‍-ജനുവരി മാസങ്ങളിലാണ് കഴിഞ്ഞ അഞ്ചു വര്‍ഷമായി ഇത് വിതരണം ചെയ്തിരുന്നതെന്നും മേയില്‍ തന്നെ വിതരണം ചെയ്യുന്നതില്‍ യാതൊരു പ്രസക്തിയുമില്ലെന്നും കമ്മിഷന്‍ ചൂണ്ടിക്കാട്ടി.