ദോഹ: നാലാമത് ഖത്തര്‍ സാമ്പത്തിക ഫോറത്തിന് തുടക്കമായി. അമീര്‍ ഷെയ്ഖ് തമീം ബിന്‍ ഹമദ് അല്‍താനി ഫോറം ഉദ്ഘാടനം ചെയ്തു. കത്താറ ടവറിലെ ഫെയര്‍മോണ്ട് ദോഹ, റാഫിള്‍സ് ദോഹ ഹോട്ടലുകളിലായി ആരംഭിച്ച 3 ദിവസത്തെ ഫോറത്തില്‍ ആഗോളതലത്തില്‍ നിന്നുള്ള ആയിരത്തിലധികം ബിസിനസ് നേതാക്കള്‍ പങ്കെടുക്കും.

ഭൂമിശാസ്ത്രം, ആഗോളവല്‍ക്കരണം, വ്യാപാരം, ഊര്‍ജപരിവര്‍ത്തനം, സാങ്കേതിക പുതുമ, ബിസിനസ്, നിക്ഷേപം ,കായികം ,വിനോദം എന്നിങ്ങനെ നിര്‍ണായക മേഖലകളെക്കുറിച്ചാണ് ഫോറം ചര്‍ച്ച ചെയ്യുക. വിവിധ മേഖലകളിലെ നൂറിലധികം സിഇഒമാരും എഴുപതിലധികം പ്രഭാഷകരും പങ്കെടുക്കും. ബ്ലുംബെര്‍ഗ് ആണ് ഈ മാസം 16 വരെ നീളുന്ന ഫോറം സംഘടിപ്പിച്ചത്.