ദുബൈ: രാജ്യത്തിൻ്റെ നന്മയും പാരമ്പര്യവും ഉൾക്കൊണ്ടുള്ള പ്രവർത്തനമാണ് സുപ്രഭാതം നടത്തുന്നതെന്നും അതാണ് സുപ്രഭാതത്തിൻ്റെ വിജയമെന്നും സമസ്ത പ്രസിഡൻ്റും സുപ്രഭാതം ചെയർമാനുമായ സയ്യിദ് മുഹമ്മദ് ജിഫ് രി മുത്തുക്കോയ തങ്ങൾ. പ്രവാസി സമൂഹം സുപ്രഭാതത്തെ നെഞ്ചേറ്റി. സമസ്തക്കാർ അല്ലാത്തവരും രാഷ്ട്രീയക്കാരും സുപ്രഭാതം വായിക്കുന്നു. ഇത് സുപ്രഭാതത്തിൻ്റെ നിഷ്പക്ഷ നിലപാടിനുള്ള അംഗീകാരമാണ്. മാധ്യമ മേഖല വികസിച്ചു കൊണ്ടിരിക്കുകയാണ്. മാധ്യമ മേഖലയിൽ കടുത്ത മത്സരമാണ്. ഇതിൽ വിജയിക്കുമ്പോഴാണ് സുപ്രഭാതത്തിനെതിരേയുള്ള അപവാദം പ്രചരിപ്പിക്കുന്നതെന്നും ഗൾഫ് സുപ്രഭാതം യു.എ.ഇ എഡിഷൻ ഉദ്ഘാടനം ചെയ്തു കൊണ്ട് ജിഫ്രി തങ്ങൾ പറഞ്ഞു.