പൊലീസ് ഉദ്യോഗസ്ഥര്‍ക്കായി വീട്ടില്‍ പാര്‍ട്ടി നടത്തിയിട്ടില്ലെന്ന് ഗുണ്ടാ നേതാവ് തമ്മനം ഫൈസല്‍  മാധ്യമപ്രവര്‍ത്തകരെ അറിയിച്ചു. തന്റെ വീട്ടില്‍ ഡിവൈഎസ്പി വന്നിട്ടില്ലെന്നും ഇയാള്‍ പറഞ്ഞു. മറിച്ച് പൊലീസ് വീട്ടില്‍ വന്ന് സ്റ്റേഷനില്‍ ഹാജരാകണമെന്നാണ് പറഞ്ഞത്. വീട്ടില്‍ താമസക്കാര്‍ ആരെല്ലാമാണെന്നതടക്കമുള്ള വിവരങ്ങളും ശേഖരിച്ചു. ഞാന്‍ കരുതല്‍ തടങ്കിലല്ല. താന്‍ ഒരു തെറ്റും ചെയ്തിട്ടില്ല. വീട്ടില്‍ പൊലീസ് റെയ്ഡ് നടത്തിയിട്ടില്ല. കരുതല്‍ തടങ്കലില്‍ ആണോ എന്ന് അറിയില്ലെന്നും ഫൈസല്‍ പറഞ്ഞു. ഡിവൈഎസ്പിക്കും പൊലീസുകാര്‍ക്കും തമ്മനം ഫൈസല്‍ വിരുന്ന് നടത്തിയതിനെ തുടര്‍ന്ന് രണ്ട് പൊലീസുകാര്‍ക്ക് സസ്പെന്‍ഷന്‍ ലഭിച്ചിരുന്നു.

ഇന്നലെ വൈകീട്ട് ഏഴ് മണിവരെ നടന്ന പരിപാടിയിലാണ് ആലപ്പുഴയിലെ ഡിവൈഎസ്പി എം ജി സാബുവും മൂന്ന് പൊലീസുകാരും പങ്കെടുത്തത്. എന്നാല്‍, അങ്കമാലി പൊലീസ് ഫൈസലിന്റെ വീട്ടില്‍ എത്തിയപ്പോള്‍ ഡിവൈഎസ്പി ബാത്റൂമില്‍ ഒളിച്ചു. പ്രാഥമിക അന്വേഷണത്തിന്റെ അടിസ്ഥാനത്തില്‍ ഡിവൈഎസ്പിയുടെ ഡ്രൈവര്‍, ക്രൈം ബ്രാഞ്ച് ഓഫീസില്‍ ജോലി ചെയ്യുന്ന പൊലിസുകാരന്‍ എന്നിവരെയാണ് സസ്പെന്റ് ചെയ്തത്.