HOME
DETAILS

ഗുണ്ടാ നേതാക്കളുടെ വീട്ടില്‍ വിരുന്ന്; ഡി.വൈ.എസ്.പിക്ക് സസ്‌പെന്‍ഷന്‍

  
May 28 2024 | 04:05 AM

dysp-mg-sabu-was-suspended

ആലപ്പുഴ: ഗുണ്ടാനേതാക്കളുടെ വിരുന്നില്‍ പങ്കെടുത്ത ആലപ്പുഴ ക്രൈംബ്രാഞ്ച് ഡി.വൈ.എസ.്പി എം.ജി. സാബുവിനെ സസ്‌പെന്‍ഡ് ചെയ്തു. ഈ മാസം 31ന് വിരമിക്കാനിരിക്കെയാണ് സാബുവിനെതിരെ നടപടി.  

സാബുവിനെ സസ്‌പെന്‍ഡ് ചെയ്യാന്‍ മുഖ്യമന്ത്രി പിണറായി വിജയന്‍ പൊലീസ് മേധാവിക്ക് നിര്‍ദേശം നല്‍കിയിരുന്നു. ഡിവൈഎസ്പിക്കൊപ്പം മറ്റ് രണ്ടു പൊലീസുകാരെക്കൂടി വിരുന്നില്‍ പങ്കെടുത്തതിന് സസ്‌പെന്‍ഡ് ചെയ്തിട്ടുണ്ട്.

ഗുണ്ടകളെ അമര്‍ച്ച ചെയ്യാനുള്ള 'ഓപറേഷന്‍ ആഗ്' നടക്കുന്നതിനിടെയാണ് പൊലീസുകാര്‍ വിരുന്നിനെത്തിയത്. സംശയാസ്പദമായ രീതിയില്‍ ഗുണ്ടാ നേതാവിന്റെ വീട്ടില്‍ ആളെത്തിയതറിഞ്ഞ് അങ്കമാലി പൊലീസ് റെയ്ഡ് നടത്തിയപ്പോഴാണ് ഡിവൈഎസ്പിയും പൊലീസുകാരും പിടിയിലാവുന്നത്. ഇവര്‍ക്കെതിരായ റിപ്പോര്‍ട്ട് മേലുദ്യോഗസ്ഥര്‍ക്ക് സമര്‍പ്പിച്ചിരുന്നു.

അങ്കമാലിയിലെ കുപ്രസിദ്ധ ഗുണ്ടാനേതാവിന്റെ വീട്ടിലായിരുന്നു വിരുന്ന്. പൊലിസ് റെയ്ഡിനെത്തിയതോടെ ഡി.വൈ.എസ്.പി ശുചിമുറിയില്‍ ഒളിക്കുകയായിരുന്നു. സാബുവിന്റെ നിര്‍ദ്ദേശപ്രകാരമാണ് ഗുണ്ടാനേതാവിന്റെ വീട്ടിലെത്തിയതെന്ന് ഒപ്പമെത്തിയ പൊലിസുകാര്‍ മൊഴി നല്‍കിയിട്ടുണ്ട്. 

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."