വയനാട് സര്‍ക്കാര്‍ മെഡിക്കല്‍ കോളജില്‍ വിവിധ വകുപ്പുകളിലായി ട്യൂട്ടര്‍/ ഡെമോണ്‍സ്‌ട്രേറ്റര്‍, ജൂനിയര്‍ റസിഡന്റ് എന്നീ തസ്തികകളില്‍ ഒഴിവുകള്‍. പ്രതിമാസം 45,000 രൂപ ഏകീകൃത ശമ്പളത്തില്‍ കരാര്‍ അടിസ്ഥാനത്തില്‍ ഒരു വര്‍ഷത്തേക്കാണ് നിയമനം. എം.ബി.ബി.എസ് യോഗ്യതയും, ടി.സി.എം.സി/ കേരള സ്റ്റേറ്റ് മെഡിക്കല്‍ കൗണ്‍സില്‍ (പെര്‍മനന്‍ന്റ്) രജിസ്‌ട്രേഷനുമുള്ള ഡോക്ടര്‍മാര്‍ക്ക് ഇന്റര്‍വ്യൂവില്‍ പങ്കെടുക്കാം. ജൂണ്‍ 25നു രാവിലെ 11ന് വയനാട് സര്‍ക്കാര്‍ മെഡിക്കല്‍ കോളജ് പ്രിന്‍സിപ്പാളിന്റെ ഓഫിസില്‍ വാക്ക് ഇന്‍ ഇന്റര്‍വ്യൂ നടക്കും.

എം.ജി ഇന്റഗ്രേറ്റഡ് പ്രോഗ്രാമുകളില്‍ പ്രവേശനം; രജിസ്‌ട്രേഷന്‍ ഏഴു വരെ

എം.ജി സര്‍വകലാശാലയുടെ അഫിലിയേറ്റഡ് കോളജുകളില്‍ ഓണേഴ്‌സ് ബിരുദ, ഇന്റഗ്രേറ്റഡ് പ്രോഗ്രാമുകളിലും സര്‍വകലാശാല പഠന വകുപ്പുകളിലെ 4 1 ഓണേഴ്‌സ് പ്രോഗ്രാമുകളിലും ഏകജാലക പ്രവേശനത്തിനുള്ള ഓണ്‍ലൈന്‍ രജിസ്‌ട്രേഷന്‍ ജൂണ്‍ ഏഴു വരെ നടത്താം. സാധ്യതാ അലോട്ട്‌മെന്റ് ജൂണ്‍ 12നും ഒന്നാം അലോട്ട്‌മെന്റ് ജൂണ്‍ 18നും പ്രസിദ്ധീകരിക്കും.

സ്‌പോര്‍ട്ട്‌സ്, കള്‍ച്ചറല്‍, ഭിന്നശേഷി ക്വാട്ടകളിലേക്കും ജൂണ്‍ ഏഴു വരെ അപേക്ഷിക്കാം. ഈ വിഭാഗത്തില്‍ താല്‍കാലിക റാങ്ക് ലിസ്റ്റ് ജൂണ്‍ 11നും അന്തിമ റാങ്ക് ലിസ്റ്റ് ജൂണ്‍ 13നും പ്രസിദ്ധീകരിക്കും.  സ്‌പോര്‍ട്‌സ്, കള്‍ച്ചറല്‍, വികലാംഗ ക്വാട്ടകളിലേയ്ക്കുള്ള പ്രവേശനം ജൂണ്‍ 13,14 തീയതികളില്‍ അതത് കോളജുകളില്‍ നടക്കും.

കൂടുതൽ തൊഴിൽ വാർത്തകള്‍ക്ക് ഗ്രൂപ്പിൽ ജോയിന്‍ ചെയ്യുക