പെരിന്തല്‍മണ്ണ: പുലാമന്തോള്‍ തിരുത്തില്‍ മരക്കാടത്ത് പറമ്പില്‍ ബാഹുലേയന്റെ മരണം നഷ്ടമാക്കിയത് ഒരു കുടുംബത്തിന്റെ അത്താണിയെ. അച്ഛനും അമ്മയും ഭാര്യയും ഏക സഹോദരിയുമാണ് കുടുംബത്തിലുള്ളത്. പിതാവ് എം.പി വേലായുധന്‍ കോണ്‍ഗ്രസിന്റെ സജീവ പ്രവര്‍ത്തകനാണ്. പെരിന്തല്‍മണ്ണ ബ്ലോക്ക് പഞ്ചായത്ത് മെമ്പറായിരുന്നു.

ഏഴ് വര്‍ഷമായി ഗള്‍ഫിലാണ് ബാഹുലേയന്‍. മൂന്ന് വര്‍ഷമായി കുവൈത്തിലെ കമ്പനിയിലാണ് ജോലി ചെയ്യുന്നത്. ഹൈവേ ഹൈപ്പര്‍ മാര്‍ക്കറ്റിലെ കാഷ്യറാണ്. 2023 ഏപ്രിലിലാണ് ജോലി സ്ഥലത്തേക്ക് മടങ്ങിയത്. കുടുംബത്തിന്റെ ഏക ആശ്രയം ബാഹുലേയനായിരുന്നു.

അപകടമറിഞ്ഞ് കുടുംബങ്ങളും നാട്ടുകാരും തുരുത്തിലെ വീട്ടിലെത്തി. പ്രതിപക്ഷ നേതാവ് വി.ഡി സതീശന്‍ ഇന്നലെ വീട്ടിലെത്തി കുടുംബത്തെ ആശ്വസിപ്പിച്ചു.