ജിദ്ദ: ജൂൺ 26 സമസ്ത സ്ഥാപക ദിനത്തിൽ സമസ്ത ഇസ്‌ലാമിക് സെന്റർ സഊദി നാഷണൽ കമ്മിറ്റിയുടെ നേതൃത്വത്തിൽ സഊദിലെങ്ങും വിപുലമായ പരിപാടികൾ സംഘടിപ്പിച്ചു. സമസ്ത കേരള ജംഇയ്യത്തുൽ ഉലമ കേന്ദ്ര മുശാവറയും എസ്ഐസി സഊദി നാഷണൽ കമ്മിറ്റിയും ആഹ്വാനം ചെയ്ത പരിപാടികൾ സഊദിയിലെ 43 ഓളം വരുന്ന സെൻട്രൽ കമ്മിറ്റികളുടെ നേതൃത്വത്തിൽ വിപുലമായി ആചരിച്ചു. 

സമസ്തയുടെ പതിമൂന്നാമത്തെ പോഷക ഘടകമായി അംഗീകരിച്ച എസ്ഐസി പ്രവാസ ലോകത്തെ സമസ്തയുടെ ഏറ്റവും വലിയ സംഘടന കൂടിയാണ്. നാഷണൽ കമ്മിറ്റിയുടെ നേതൃത്വത്തിൽ നടന്ന സമസ്ത സ്ഥാപക ദിനാഘോഷം കോഴിക്കോട് ഖാസിയും എസ് വൈ എസ് സംസ്ഥാന ജനറൽ സെക്രട്ടറിയുമായ സയ്യിദ് മുഹമ്മദ്‌ കോയതങ്ങൾ ജമലുല്ലൈലി ഉദ്ഘാടനം ചെയ്തു. എസ്ഐസി നാഷണൽ കമ്മിറ്റി പ്രസിഡന്റ് സയ്യിദ് ഉബൈദുല്ല തങ്ങൾ അൽ ഹൈദ്രൂസി മേലാറ്റൂർ അധ്യക്ഷനായി. 

എസ്കെഎസ്എസ്എസ്എഫ് സംസ്ഥാന സീനിയർ വൈസ് പ്രസിഡന്റ്‌ സയ്യിദ് ഫഖ്റുദ്ധീൻ തങ്ങൾ ഹസനി കണ്ണന്തളി മുഖ്യ പ്രഭാഷണം നടത്തി. സമസ്ത മാനേജറും എസ് ഐ സി നിരീക്ഷകനുമായ കെ മോയിൻകുട്ടി മാസ്റ്റർ സ്ഥാപക ദിന സന്ദേശം നൽകി. എസ് ഐ സി നാഷണൽ കമ്മിറ്റി ജനറൽ സെക്രട്ടറി മുഹമ്മദ്‌ റാഫി ഹുദവി, ഭാരവാഹികളായ അബ്ദുറഹ്മാൻ മൗലവി അറക്കൽ, സൈദ് ഹാജി മൂന്നിയൂർ, സയ്യിദ് അബ്ദുറഹ്മാൻ തങ്ങൾ ജമലുല്ലൈലി, സമസ്ത ബോർഡിങ്ങ് മദ്രസ മാനേജർ പികെ മുഹമ്മദ്‌ ഹാജി എന്നിവർ പ്രസംഗിച്ചു. ഓർഗനൈസിങ് സെക്രട്ടറി മാഹിൻ വിഴിഞ്ഞം സ്വാഗതവും വർക്കിങ് സെക്രട്ടറി ശാഫി ദാരിമി പുല്ലാര നന്ദിയും പറഞ്ഞു.