HOME
DETAILS

സാന്‍ ഫെര്‍ണാണ്ടോ ഇന്നെത്തും : വിഴിഞ്ഞം തുറമുഖത്തിന് ചരിത്ര നിമിഷം

  
Web Desk
July 10 2024 | 18:07 PM

ship san Fernando arrives at Vizhinjam port, marking a new era for India's container shipping

 

തിരുവനന്തപുരം: ലോകത്തിലെ ഏറ്റവും വലിയ രണ്ടാമത്തെ കണ്ടെയ്നര്‍ കപ്പലായ എം.എസ്.സി സാന്‍ ഫെര്‍ണാണ്ടോ ഇന്ന് പുലർച്ചെ ഇന്ത്യന്‍ തീരത്ത് എത്തിച്ചേരുമെന്ന് പ്രതീക്ഷിക്കുന്നു. ഇന്ന് രാവിലെ 7:30 ന്, കപ്പല്‍ തുറമുഖത്തിന്റെ ഔട്ടര്‍ ഏരിയയില്‍ എത്തിച്ചേരുന്ന കപ്പലിൽ തുറമുഖ പൈലറ്റ് കയറി ബെര്‍ത്തിലേക്ക് നയിക്കും. രാവിലെ 9:15 ന്, വാട്ടര്‍ സല്യൂട്ടോടെ  സാന്‍ ഫെര്‍ണാണ്ടോയെ ഔദ്യോഗികമായി സ്വീകരിക്കും.

നാളെയാണ് സാന്‍ ഫെര്‍ണാണ്ടോയ്ക്ക് ഔദ്യോഗിക സ്വീകരണം നല്‍കുന്നത്. മുഖ്യമന്ത്രിയും കേന്ദ്ര മന്ത്രിമാരും ചേര്‍ന്ന് സംയുക്ത സ്വീകരണ ചടങ്ങ് നടത്തും. ബെര്‍ത്തിംഗ് പൂര്‍ത്തിയായ ശേഷം, ചരക്കിറക്കല്‍ ജോലികള്‍ ആരംഭിക്കും. 1500 മുതല്‍ 2000 വരെ കണ്ടെയ്നറുകള്‍ കപ്പലില്‍ നിന്ന് ഇറക്കുമെന്ന് പ്രതീക്ഷിക്കുന്നു. ഒരു ദിവസത്തിനുള്ളില്‍ എല്ലാ ചരക്കുകളും ഇറക്കാന്‍ സാധിക്കുമെന്നാണ് കണക്കാക്കുന്നത്.

ഓട്ടോമേറ്റഡ് സംവിധാനങ്ങളായ എസ്ടിഎസ്, യാര്‍ഡ് ക്രെയിനുകള്‍ ഉപയോഗിച്ചാണ് ചരക്കിറക്കല്‍ നടത്തുക. മാറിന്‍ അജൂര്‍, സീസ്പാന്‍ സാന്റോസ് എന്നീ രണ്ട് ചെറു കപ്പലുകള്‍ വലിയ കപ്പലില്‍ നിന്നുള്ള ചരക്ക് ചെറു കപ്പലുകളിലേക്ക് കയറ്റുന്ന (ട്രാന്‍ഷിപ്മെന്റ്) ജോലികള്‍ക്ക് എത്തും.


ഈ ചരിത്ര സംഭവം ഇന്ത്യയുടെ കണ്ടെയ്നര്‍ ചരക്ക് ഗതാഗത മേഖലയിലെ ഒരു പുതിയ അധ്യായത്തിന് തുടക്കം കുറിക്കും. വിഴിഞ്ഞം അന്താരാഷ്ട്ര തുറമുഖത്തിന്റെ വളര്‍ച്ചയ്ക്ക് സാക്ഷ്യം വഹിക്കും. കേരളത്തിന്റെ സാമ്പത്തിക വികസനത്തിന് ഊന്നല്‍ നല്‍കും എന്നാണ് നിരീക്ഷിക്കുന്നത്. 

India's container shipping industry gets a boost with the arrival of the ship san Fernando at Vizhinjam port

 

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."