മുംബൈ: മുംബൈ നേവല്‍ഡോക് യാര്‍ഡിലെ ഇന്ത്യന്‍ നാവികസേനയുടെ യുദ്ധക്കപ്പല്‍ ഐഎന്‍എസ് ബ്രഹ്മപുത്രയിലുണ്ടായ തീപിടിത്തത്തില്‍ ഒരു നാവികനെ കാണാതായെന്ന് നാവികസേന. ഇന്നലെ വൈകിട്ടോടെയാണ് കപ്പലില്‍ തീപിടിത്തം ഉണ്ടായത്. തീ ഇന്ന് രാവിലെയോടെ നിയന്ത്രണ വിധേയമാക്കിയെന്നും കപ്പല്‍ ഒരു വശത്തേക്ക് ചരിഞ്ഞുവെന്നും നാവികസേന അറിയിച്ചു.

തീയണച്ച ശേഷം ഇന്ന് ഉച്ചയോടെയാണ് കപ്പല്‍ ഒരു വശത്തേക്ക് ചരിഞ്ഞത്. പരമാവധി ശ്രമിച്ചിട്ടും നാവികസേനയ്ക്ക് കപ്പലിനെ പൂര്‍വ സ്ഥിതിയിലാക്കാന്‍ സാധിച്ചിട്ടില്ല. കപ്പലിലുണ്ടായിരുന്ന എല്ലാവരെയും രക്ഷിച്ചെങ്കിലും കാണാതായ ജൂനിയര്‍ നാവികനായുള്ള തിരച്ചില്‍ പുരോഗമിക്കുകയാണെന്നും നാവികസേന വ്യക്തമാക്കി. സംഭവത്തില്‍ ആഭ്യന്തര അന്വേഷണത്തിന് ഉത്തരവിട്ടെന്നും നാവികസേന അറിയിച്ചു.

INS Brahmaputra fire search for missing sailor