പച്ചപുതച്ച  വനങ്ങളും പുല്‍മേടുകളും കടന്ന ചെറിയ അരുവികള്‍ക്കിടയിലൂടെ സഞ്ചരിക്കാം.. ഇടയ്ക്കിടെ മൂടല്‍മഞ്ഞ് പ്രത്യക്ഷപ്പെടുന്നു. ഇവയെല്ലാം വയനാട് ജില്ലയിലെ അരണമലയുടെ മാന്ത്രിക കാഴ്ച്ചകളാണ്. 

വയനാട് ജില്ലയിലെ മനോഹരമായ ഒരു മനോഹര ഹില്‍സ്‌റ്റേഷനാണ് അരണമല. മേപ്പടി പട്ടണത്തില്‍ നിന്ന്  സൂചിപ്പാറ വെള്ളച്ചാട്ടത്തിലേക്ക് പോകുന്ന അതേ റോഡിലൂടെ അരണമലയിലെത്താം. 

പച്ചനിറത്തിലുള്ള കുന്നുകള്‍,  മൂടല്‍മഞ്ഞ് പുതച്ച താഴ്‌വരകള്‍. ഏലം തോട്ടങ്ങളിലൂടെയും വനങ്ങളിലൂടെയുമാണ് ഇവിടേക്കുള്ള യാത്ര. എപ്പോഴും തണുത്ത കാറ്റ് വീശുന്ന ഇവിടങ്ങളിലൂടെയുള്ള യാത്ര വല്ലാത്തൊരു അനുഭവമാണ്. 

ടൂറിസം ഡിപ്പാര്‍ട്‌മെന്റ് കീഴില്‍ആണ് അരണമല. രാവിലെ 7മണി മുതല്‍ ആണ് ഇവിടേക്ക് പ്രവേശനം.  പരിചയമില്ലാത്തവര്‍ ചിലപ്പോള്‍ ഇവിടെ പെട്ടുപോവാന്‍ സാധ്യതയുണ്ട്. മാത്രമല്ല ഒരുപാട് വന്യജീവികള്‍ വിഹരിക്കുന്ന ഇടമാണ് ഇവിടം. അതുകൊണ്ട് പരിചയമുള്ളവരുടെ അല്ലെങ്കില്‍ ഗൈഡിന്റെ കൂടെ മാത്രം ഇവിടം സന്ദര്‍ശിക്കാന്‍ ശ്രമിക്കുക

മേപ്പാടിയില്‍ നിന്ന് ചൂരല്‍മല റോഡിലൂടെ പോവുമ്പോള്‍ കള്ളാടിയില്‍ അമ്പലത്തിനടുത്ത് നിന്ന് തിരിഞ്ഞുപോവുന്ന വഴിയിലൂടെയാണ് അരണമലയിലേക്കെത്താം. 

അരണമലയുടെ മുകളിലായി ഒരു റിസോര്‍ട്ട് ഉണ്ട്. ഇവിടേക്ക് വിവിധതരം പാക്കേജുകളും ലഭ്യമാണ്.

പൂക്കോട് തടാകത്തില്‍ നിന്ന് 28 സാ ദൂരവും, മേപ്പാടിയില്‍ നിന്ന് 12 സാ ദൂരവും ഉണ്ട് അരണമലയിലേക്ക് . അരണമലയുടെ തൊട്ടടുത്താണ് 900 കണ്ടിയും ,ചെമ്പ്ര മലയും.