കേരളത്തില്‍ ഉരുള്‍പൊട്ടല്‍ സാധ്യത ഇല്ലാത്തത് ഒരു ജില്ലയില്‍ മാത്രമെന്ന് ലാന്‍ഡ് സ്ലൈഡ് അറ്റ്‌ലസ്. ആലപ്പുഴയാണ് കേരളത്തില്‍ ഉരുള്‍പൊട്ടല്‍ സാധ്യതയില്ലാത്ത ഏക ജില്ല. ഐ എസ് ആര്‍ ഒ പുറത്തിറക്കിയ ലാന്‍ഡ് സ്ലൈഡ് അറ്റ്‌ലസില്‍ ആറാം സ്ഥാനത്താണ് കേരളം.  ഒന്നൊഴിച്ച് എല്ലാ ജില്ലകളിലും ഉരുള്‍പൊട്ടല്‍ സാധ്യതാമേഖലകള്‍ ഉള്‍പെട്ടതിനാലാണ് കേരളം ലാന്‍ഡ് സ്ലൈഡ് അറ്റ്‌ലസില്‍ മുന്നില്‍ നില്‍ക്കുന്നത്. രാജ്യത്ത് ഉരുള്‍പൊട്ടല്‍ ദുരന്തമുണ്ടാകുന്ന 19 സംസ്ഥാനങ്ങളുണ്ട് എന്നാണ് കണക്കുകള്‍. 

ജമ്മു കശ്മീര്‍, ഉത്തരാഖണ്ഡ്, അരുണാചല്‍പ്രദേശ്, മിസോറം, മഹാരാഷ്ട്ര എന്നീ സംസ്ഥാനങ്ങളാണ് കേരളത്തിനു മുന്നിലുള്ള ഉരുള്‍പൊട്ടല്‍ ഭീഷണി നിലനില്‍ക്കുന്ന മറ്റ് സംസ്ഥാനങ്ങള്‍. എന്നാല്‍ കേരളത്തെ അപേക്ഷിച്ച് വടക്കുകിഴക്കന്‍ സംസ്ഥാനങ്ങളില്‍ ഉരുള്‍പൊട്ടല്‍ കൂടുതലാണെങ്കിലും ജനസാന്ദ്രത കുറവാണ്. അതിനാാണ് അവിടെ മരണനിരക്ക് കുറവായിരിക്കും. ജനസാന്ദ്രത കൂടിയതിനാല്‍ കേരളത്തില്‍ മരണ നിരക്ക് കൂടുതലായിരിക്കും. 

വയനാട് ഉരുള്‍പൊട്ടലിനെ ദേശീയ ദുരന്തമായി പ്രഖ്യാപിക്കുമോ? എന്താണ് ദേശീയ ദുരന്തം? പ്രഖ്യാപിക്കാന്‍ എന്തുവേണം?

രാജ്യത്തെ 4,20,000 ചതുരശ്ര കിലോമീറ്റര്‍ പ്രദേശം ഉരുള്‍പൊട്ടല്‍ ഭീഷണി നേരിടുന്നതായി ഐ.എസ്.ആര്‍.ഒ പുറത്തിറക്കിയ ലാന്‍ഡ് സ്ലൈഡ് അറ്റ്‌ലസില്‍ പറയുന്നു. ഇതില്‍ 90,000 കിലോമീറ്റര്‍ കേരളം, തമിഴ്‌നാട്, കര്‍ണാടകം, ഗോവ, മഹാരാഷ്ട്ര എന്നീ സംസ്ഥാനങ്ങളിലായി വ്യാപിച്ചുകിടക്കുന്ന പശ്ചിമഘട്ട കൊങ്കണ്‍ പ്രദേശങ്ങളിലാണ്.

why only one district in Kerala is free from landslide risk while the state ranks sixth in the Landslide Atlas.